影片
更多
2022-11-05
1302 瀏覽
來自超人氣自助餐既’普慶餐廳 ’，今期係狂野海鮮市場主題，佢哋以各種烹飪傳統同風格製成嘅精選優質海鮮菜式做主角，唔少得有招牌時令🦞海鮮冷盤，紐西蘭生蠔，波士頓龍蝦，小龍蝦，麵包蟹，翡翠螺等會無限量供應，佢哋仲有七個美食專區，日本刺身，頂級肉眼以至東南亞風味咖喱，港式燒味同素食等款式琳瑯滿目，絕對可以享受多元化嘅美食😍😍性價比極高，由前菜到主菜，甚至去到甜品，美食水準極高，餐廳非常用心製作，足足任食3小時，價錢都係成人💰$618(平日)一位，唔講咁多，即介紹下先😆😆🦞時令海鮮冷盤:值得推介嘅係🦪紐西蘭生蠔，雖然每隻既size都一般，但佢都係新鮮即開，食落味道較淡，但鮮味搭救，非常爽口，其次係🐚翡翠螺，幾乎每粒都大隻，可以完整地拉出螺肉，有鮮味之餘，肉質爽口彈牙😋😋，需要改善嘅係🦞波士頓龍蝦，大細相符，亦都有膏，但肉質非常老，有啲鞋，有少少咬唔開嘅感覺😩🍣日本刺身:每一款嘅刺身非常高水準，師傅都係厚切俾我哋，同埋佢哋無論係冷盤定刺身都會跟一碟冰底，確保新鮮👍🏻👍🏻另外日本美食方面有天婦羅同串燒等，款式都多😌🐮熟食:值得推介嘅係佢哋嘅🐮燒牛肉同🐷燒腩肉卷，係自助餐必有嘅菜式，佢係一大份肉，然
性價比極高，由前菜到主菜，甚至去到甜品，美食水準極高，餐廳非常用心製作，足足任食3小時，價錢都係成人💰$618(平日)一位，唔講咁多，即介紹下先😆😆
🦞時令海鮮冷盤:值得推介嘅係🦪紐西蘭生蠔，雖然每隻既size都一般，但佢都係新鮮即開，食落味道較淡，但鮮味搭救，非常爽口，其次係🐚翡翠螺，幾乎每粒都大隻，可以完整地拉出螺肉，有鮮味之餘，肉質爽口彈牙😋😋，需要改善嘅係🦞波士頓龍蝦，大細相符，亦都有膏，但肉質非常老，有啲鞋，有少少咬唔開嘅感覺😩
🍣日本刺身:每一款嘅刺身非常高水準，師傅都係厚切俾我哋，同埋佢哋無論係冷盤定刺身都會跟一碟冰底，確保新鮮👍🏻👍🏻
另外日本美食方面有天婦羅同串燒等，款式都多😌
🐮熟食:值得推介嘅係佢哋嘅🐮燒牛肉同🐷燒腩肉卷，係自助餐必有嘅菜式，佢係一大份肉，然後切小份比你，暫時食過唯獨呢間肉質夠嫩，仲有好多配醬俾你選擇，另外燒腩肉卷唔好睇佢有好大片脂肪，其實食落絕對唔油膩😋
🍲亞洲菜食:值得推介嘅係佢係唔同時段只係會出一次嘅香烤大鱔，絕對肥美甘香，🐚另外清酒煮蜆都係每人只可以攞一份，佢嘅酒香味非常香濃，蜆肉非常新鮮👍🏻另外蒸龍躉同港式燒味都有，但味道一般，最後仲有自助粉麵區，真係花多眼亂😂😂
🍰甜品區:最後到甜品同生果區，生果方面比較少選擇，只有西瓜，菠蘿，橙同埋哈密瓜等，而甜品方面多不勝數，中式同西式甜品集於一身，糕點，窩夫，朱古力，啫喱，中式糖水，雪糕等，應有盡有，比較鍾意食佢既戚風蛋糕，幾鬆軟😆
🍹至於嘢飲方面，佢每位只有一杯嘢飲，其他要加錢😩
會再嚟，性價比極高嘅一間自助餐餐廳😚😚
張貼
