影片
更多
2025-04-13
234 瀏覽
這間超人氣餐廳，walk-in兩次都失敗收場，人氣程度堪比演唱會搶飛。終於扚起心肝一早set定鬧鐘起網上成功book到位，一步踏入餐廳，落地玻璃窗外係一望無際嘅海景，心情即刻加分。大約$178一個set，性價比真係高得出奇。服務生細心講解每一道菜點樣食，唔單止係食飯，簡直係上咗堂美食體驗課。三塊厚厚的漢堡扒，煎得外焦內嫩，每一口都係牛味爆發，肉汁豐盈得好似要喺嘴入面跳探戈，真心感受到牛肉本身嘅鮮香同層次。白飯同太陽蛋係無限添，完全係飯桶福音，試過將隻蛋打落扒中間想嚟個完美融合，可惜佢彈返出嚟，未達成牛肉夾蛋成就解鎖，下次再戰！整體嚟講 : 從味道、視覺、服務到整體氛圍都令人滿意到拍手掌，唔怪得walk-in會無得食，建議你哋真係早啲book位，唔係就只可以望海興歎
大約$178一個set，性價比真係高得出奇。服務生細心講解每一道菜點樣食，唔單止係食飯，簡直係上咗堂美食體驗課。三塊厚厚的漢堡扒，煎得外焦內嫩，每一口都係牛味爆發，肉汁豐盈得好似要喺嘴入面跳探戈，真心感受到牛肉本身嘅鮮香同層次。
白飯同太陽蛋係無限添，完全係飯桶福音，試過將隻蛋打落扒中間想嚟個完美融合，可惜佢彈返出嚟，未達成牛肉夾蛋成就解鎖，下次再戰！
整體嚟講 : 從味道、視覺、服務到整體氛圍都令人滿意到拍手掌，唔怪得walk-in會無得食，建議你哋真係早啲book位，唔係就只可以望海興歎
張貼
