PHI Coffee & Pancake (尖沙咀中心)

營業中

休息中

今日陪FD行維港，一早bookmark咗哩間餐廳，讓朋友試下香港人氣梳乎厘。餐廳裝修以原木風為主，佈置得好溫馨。焦糖脆脆鮮奶咖啡，咖啡豆偏苦味帶有少少果香，唔洗加糖已經夠甜。焦糖脆脆加入，不僅帶入少少焦糖味道，口感還特別豐富。伯爵茶鮮奶咖啡，好特別嘅搭配，以為好似茶餐廳嘅鴛鴦，其實味道要更加溫和。伯爵茶特有啲佛手柑香味，給鮮奶咖啡增添一絲風味。手撕牛肉義大利飯，義大利飯用番茄同芝士烹製。飯粒粒分明，嗦曬醬汁味道，入口鹹香鮮甜好惹味。手撕牛肉好軟爛，簡直入口即化。漢堡扒全日早餐，漢堡扒勁大仲要好厚身，外表煎到焦香，內裡軟嫩唔會覺得柴。搭配也極其豐富，有太陽蛋，三文魚同沙律菜等。最特別係有法式吐司，最後食表皮都好脆口，唔錯。秋冬濃濃栗子梳乎厘，揀咗季節限定嘅梳乎厘。梳乎厘即叫即整，送上來蓬鬆Q彈，好似食棉花糖咁。梳乎厘蛋味香濃黃油味重，再點埋栗子cream，食到停唔落口。