影片
更多
2025-04-10
218 瀏覽
今次我過左去大圍呢邊做野，順便收工時同2個同事係度食埋飯先走，佢地話呢邊有間馬來西亞餐廳都幾多人話好食，想過黎試下，過到黎新界唔算熟就照試下啦🇲🇾餐廳超級多人排，即使佢有兩層，都要等20分鐘以上先入到去食，餐廳用QR code落單，咁多人食，店員都好忙，所以用QR code叫都幾好👍🏻細滲（$88）馬來西亞餐最出名既其中之一樣野食就係肉骨茶，佢有好多款餸揀，細滲係個小型既大雜燴，有腩肉，雞腳，豬手，豆卜等，個湯有陣陣既藥材味，仲可以無限添飲🥣椰漿飯配生炸全雞髀（$92）呢邊雞髀超級大隻，有我隻手咁大，炸髀炸到熱辣辣，塊皮好夠脆，雞肉好嫩唔鞋口，仲有少量咖哩薯仔比你撈飯食🐥手抓薄餅配仁噹牛肉（$68）呢個薄餅配咖哩牛好夾，個薄餅唔算脆，相對係淋身既，幾香餅味🐮椰香白咖喱麵（$86）白咖哩湯佢個椰香味比較重，唔算好有咖喱味，材料都好豐富，有三隻蝦，魚片，豬紅，豆卜等，鮮味十足🦐水魷蕹菜（$58）蕹菜即係我地叫開做通菜，落d辣椒，炸蒜調味，加埋d水魷，有d街頭小食既風味🦑🥬鮮牛油咖央多士（$38）咖央多又係馬來西亞餐廳必叫既食物，塊牛油同咖央醬，又邪惡，又好食😈特色拉茶（熱）（$18）佢都真
餐廳超級多人排，即使佢有兩層，都要等20分鐘以上先入到去食，餐廳用QR code落單，咁多人食，店員都好忙，所以用QR code叫都幾好👍🏻
細滲（$88）
馬來西亞餐最出名既其中之一樣野食就係肉骨茶，佢有好多款餸揀，細滲係個小型既大雜燴，有腩肉，雞腳，豬手，豆卜等，個湯有陣陣既藥材味，仲可以無限添飲🥣
椰漿飯配生炸全雞髀（$92）
呢邊雞髀超級大隻，有我隻手咁大，炸髀炸到熱辣辣，塊皮好夠脆，雞肉好嫩唔鞋口，仲有少量咖哩薯仔比你撈飯食🐥
手抓薄餅配仁噹牛肉（$68）
呢個薄餅配咖哩牛好夾，個薄餅唔算脆，相對係淋身既，幾香餅味🐮
椰香白咖喱麵（$86）
白咖哩湯佢個椰香味比較重，唔算好有咖喱味，材料都好豐富，有三隻蝦，魚片，豬紅，豆卜等，鮮味十足🦐
水魷蕹菜（$58）
蕹菜即係我地叫開做通菜，落d辣椒，炸蒜調味，加埋d水魷，有d街頭小食既風味🦑🥬
鮮牛油咖央多士（$38）
咖央多又係馬來西亞餐廳必叫既食物，塊牛油同咖央醬，又邪惡，又好食😈
特色拉茶（熱）（$18）
佢都真係幾有特色，起曬泡既拉茶，香滑好味🧋
冬瓜龍眼茶（冷）（$30）
冬瓜龍眼茶，清潤又清甜，仲要好解渴，夏天消暑一流🧊
呢間餐廳勁多人排，建議想黎食就早d黎排，我當日7:00左右已經出現人龍，食物好食得黎又大份，價錢都抵食，咁多人排唔係冇原因🤟🏻
張貼
