影片
更多
2024-06-04
41 瀏覽
Weeekend 想食好啲，行過見到呢間有折，用OpenRice 訂座正價嘢食就7折，嘢飲仲買一送一添，決定一試！$28-$48—> 7折後約$19-$33雞翼串、雞皮串、燒汁鵝腸、露筍豚肉卷串、田樂豆腐樣樣都有炭火香呀！個人覺得未食過嗰啲幾有驚喜，例如雞皮第一啖好脆但食落仲煙韌；鵝腸一啲都唔騷；露筍豚肉個筍好嫩，所以包埋豚肉個口感幾好；豆腐面頭有一層好惹味有啲酒香嘅醬，咬落仲好juicy $88-$98 —> 7折後約$61-$68安康魚肝、沃川黑醬油拉麵魚肝質感細膩，襯青瓜絲同橙蘿蔔蓉，正！拉麵個黑蒜醬油好出，配埋半肥瘦叉燒同軟硬適中嘅拉麵食好味$128-$138 —> 7折後約$90-$96馬友魚一夜干、烏賊紫蘇梅子脆卷保留海洋鮮味嘅馬友燒到略為乾身，點埋蘿蔔蓉好好味～烏賊滑包住脆紫蘇葉，外面脆口，內裹有魚籽脆卜卜，同一點酸嘅梅子醬幾夾～$200樓下刺身盤吞拿魚中腩（*吞拿魚中腩本身$180已經優惠咗 無得7折），但活北寄貝就$110左右～想講刺身嚟講好新，個吞拿魚油脂好正，活北寄貝超新鮮，物有所值～PS 服務費原來用返正價計👻📍漁正居酒屋佐敦站C出口一出
$28-$48—> 7折後約$19-$33
雞翼串、雞皮串、燒汁鵝腸、露筍豚肉卷串、田樂豆腐
樣樣都有炭火香呀！個人覺得未食過嗰啲幾有驚喜，例如雞皮第一啖好脆但食落仲煙韌；鵝腸一啲都唔騷；露筍豚肉個筍好嫩，所以包埋豚肉個口感幾好；豆腐面頭有一層好惹味有啲酒香嘅醬，咬落仲好juicy
$88-$98 —> 7折後約$61-$68
安康魚肝、沃川黑醬油拉麵
魚肝質感細膩，襯青瓜絲同橙蘿蔔蓉，正！拉麵個黑蒜醬油好出，配埋半肥瘦叉燒同軟硬適中嘅拉麵食好味
$128-$138 —> 7折後約$90-$96
馬友魚一夜干、烏賊紫蘇梅子脆卷
保留海洋鮮味嘅馬友燒到略為乾身，點埋蘿蔔蓉好好味～
烏賊滑包住脆紫蘇葉，外面脆口，內裹有魚籽脆卜卜，同一點酸嘅梅子醬幾夾～
$200樓下刺身盤
吞拿魚中腩（*吞拿魚中腩本身$180已經優惠咗 無得7折），但活北寄貝就$110左右～
想講刺身嚟講好新，個吞拿魚油脂好正，活北寄貝超新鮮，物有所值～
PS 服務費原來用返正價計👻
📍漁正居酒屋
佐敦站C出口一出就係
#hkfood#居酒屋#一夜干#串燒
#佐敦#佐敦美食
張貼
