影片
更多
2022-07-17
225 瀏覽
前排有人見完我寫第二部，就問我打邊爐呢排有乜好介紹，話我未找數，咁寫埋呢間先。見到幾個朋友之前食過話好食就已經bookmark左，前flying Pan個舖頭，真係好有回憶，轉眼間就已經變咗一間火鍋店，淨係個門口已經好有打卡feel。呢度出名100%食日日有新鮮貨嘅騸牯牛，而且好多丸類同餃類都非常特別，不過最出名嘅係佢哋有一個絕世混醬。佢嘅混醬同平時你見到唔同，有好多好似檸檬葉，香茅，金不換等等嘅香料，佢仲有條formula俾你，一個淡味一個濃味，任君選擇，一定要試，我自己就當然係熱愛濃味朋友。講吓鍋底，佢哋當然有個好出名嘅成塊花膠嘅雞煲，但係仲有一一堆你意想不到嘅鍋底，例如沙巴龍躉酸菜魚煲、苦瓜排骨煲、龍蝦煲、胡椒蘿蔔牛蹄筋煲（呢個我勁想食，可惜唔夠人食) 呢幾個都真係好吸引，但當日四個人，主力海鮮湯底為主， 要左辣酒煮花螺湯同蜆煲，要讚嘅辣酒煮花螺湯，温和有致，唔會好辣唔駛驚。如果你點辣酒煮花螺湯，一定要襯個水雲麵，夾到不行，記得最好請斷食，因為個湯之後就會有少少啖，水雲麵有辣酒嘅香，好好食又夠彈牙。響鈴午餐肉同冬陰功腐皮卷都係人人必點前菜，我自己就鐘意冬陰功腐皮卷多啲，響鈴午餐肉
見到幾個朋友之前食過話好食就已經bookmark左，前flying Pan個舖頭，真係好有回憶，轉眼間就已經變咗一間火鍋店，淨係個門口已經好有打卡feel。
呢度出名100%食日日有新鮮貨嘅騸牯牛，而且好多丸類同餃類都非常特別，不過最出名嘅係佢哋有一個絕世混醬。
佢嘅混醬同平時你見到唔同，有好多好似檸檬葉，香茅，金不換等等嘅香料，佢仲有條formula俾你，一個淡味一個濃味，任君選擇，一定要試，我自己就當然係熱愛濃味朋友。
講吓鍋底，佢哋當然有個好出名嘅成塊花膠嘅雞煲，但係仲有一一堆你意想不到嘅鍋底，例如沙巴龍躉酸菜魚煲、苦瓜排骨煲、龍蝦煲、胡椒蘿蔔牛蹄筋煲（呢個我勁想食，可惜唔夠人食) 呢幾個都真係好吸引，但當日四個人，主力海鮮湯底為主， 要左辣酒煮花螺湯同蜆煲，要讚嘅辣酒煮花螺湯，温和有致，唔會好辣唔駛驚。
如果你點辣酒煮花螺湯，一定要襯個水雲麵，夾到不行，記得最好請斷食，因為個湯之後就會有少少啖，水雲麵有辣酒嘅香，好好食又夠彈牙。
響鈴午餐肉同冬陰功腐皮卷都係人人必點前菜，我自己就鐘意冬陰功腐皮卷多啲，響鈴午餐肉唔係唔好，只係我太高期望，如果厚啲嘅午餐肉應該更好食。
牛極拼係個個都必叫的，都係主角，扒底尖、吊龍、池板、腩頭、牛腩芯、牛頸脊，各人各方面喜好，我最愛就都係吊龍同池板，$888有咁多種嘅拼盤，反而幾值得叫，怪不得咁受歡迎。
香葉肉碎餃完全係泰國氣息，即刻想叫碗飯送下，餃之中我覺得呢個最特別。
冬陰功雜菌餃同九層塔蝦丸都係推薦，各有各特色，不過重點係同佢個混醬都非常之夾，特別係濃味個隻。
我覺得冬陰功墨魚丸又係好好，你好少見我食咁多丸同餃，咁你就自然明白點解我推薦呢幾樣野，平時你都會食到港式嘅感覺，但呢度絕對係東南亞嘅風味。
可能因為係滾得棧見過，相對梅菜豬肉手打丸就普通左少少。
本地時今菜拼盤，我自己覺得好，但講真，有點貴，如果你唔係愛菜就唔使叫，食多碟牛好過。
點了萵筍同鮮豆腐，後者好好食，襯湯一流 。
手唧墨魚麵又係大推，本身你見佢個樣似麻麻哋但係食落去非常之彈牙而且充滿墨魚味。
最後仲要推介佢哋幾隻唔同款嘅cocktail ，martini 係唔錯，不過當然最靚係Lets Pop，令我諗起之前嘅香江花月。
Yakult愛益力多嘅一定鍾意飲，而G&C就係台灣冬瓜茶啲朋友，每隻都有特色，一定會有你滿意。
幾時再去？我已經想再食了。
張貼
