豐鍋雞煲 (京瑞廣場1期)

營業中

休息中

今日黃昏時份，餓底約左朋友係石門等，準備去第二度食飯。不過，突然間落大雨，令我地計劃有變，入去隔離商場食。朋友建議去試下豐鍋，反正未試過，就去試下。餓底想叫雞煲，但朋友怕辣，所以叫了走辣。侍應姐姐在我地面前煮熟雞煲，估唔到又幾香噴噴，食落d雞又幾滑幾香，唔辣既雞煲都幾好味。之後靚姐攞埋安格斯牛小排，落埋雞煲度淥熟，既新鮮又有牛味濃郁。最正既，是手工即炸魚皮同埋即炸紫菜響鈴，勁在呢兩樣野無走油臭味，上碟時仍然香脆爽口無肥淋淋既感覺，真係無乜地方試到咁正！食左咁多野，大家叫左兩杯凍飲，咸檸七同埋玫瑰特飲夠曬大杯，勁大杯。