東京街日本料理 (西洋菜南街)

營業中

休息中

同屋企人去太子買野，經過呢間日本菜，決定入去試一試。我地叫咗小食拼盤，幾款刺身同壽司。~~小食拼盤有芝麻八爪魚，辣味螺肉，素翅海蜇。~~壽司叫咗怪獸三文魚腩壽司，拖羅魚籽帶子戀，芒果花之戀壽司，左口魚壽司。怪獸三文魚腩壽司，三文魚腩好厚肉，食落好肥美。拖羅魚籽帶子戀，魚籽好新鮮，帶子好爽口。芒果花之戀壽司，呢個真係好推薦，好好味，芒果好鮮甜同三文魚味道好夾。~~刺身叫咗三文魚，吞拿魚，甜蝦，北海道帶子，油甘魚同池魚王。全部都大大嚿，厚切。睇到三文魚d魚紋就知好新鮮，食落好香油脂味，口感同味道都好正。吞拿魚好肥美。甜蝦大大隻，食落好彈牙同鮮甜。北海道帶子都好大粒，食落好爽口。油甘魚同池魚王都好肥美同鮮甜。