農

營業中

休息中

第一次到科學園果頭食中餐，估唔到搵到間食物水準咁高的中餐廳，真係忍唔住要介紹比大家啊。位於科學園第二期浚湖樓的——農，環境闊落舒適，見到好多家庭聚餐都選擇來呢度食，出餐位見到有d 好得意的動物點心，就知道呢間餐廳自有佢吸引之處。出名中菜的農，晚餐套餐選項十分豐富，成set 有好多款式的特色菜選擇，我們就點了爆漿乳鴿一隻，慢煮醉鮑（2 隻),牛油果蝦春捲，例牌農場燒鴨，氣鍋雞，避風塘軟殼蟹，水果粟，烈焰菠蘿炒飯，貓山王榴蓮甜品，牛榛仔.主要想講一下最令人驚艷的幾道菜，首先⬇️例牌農場燒鴨，真係食得出鴨皮鬆脆，鴨肉鮮嫩，而且例牌都大大份，烈焰菠蘿炒飯有surprised, 成個菠蘿係我們面前著曬火，真係估佢唔到，吸睛打卡程度爆燈。氣鍋雞是個湯，一壺慢慢倒，飲到雞湯精華。貓山王榴槤和牛榛仔飯後甜品真係有賣相好似卡通玩意咁，岩曬打卡又真係好好味，飯後食甜真係岩曬。吃飽飽，野飲點了兩瓶茶，瑰麗堂皇和桂花烏龍消滯，呢度整體環境感覺高檔，食物質素十分高，科學園必試餐廳。