影片
更多
2023-07-30
280 瀏覽
星期六晚飯時間，商場周圍都係人，咁啱嘅呢間餐廳唔使等位，就入去試吓。當時餐廳嘅入座率有一半左右，同朋友兩個人叫咗一人一個正餐，加一份小食同嘢飲。燒肉便當冇記錯係$69。有一格燒豚肉片，一格菜同一格白飯，半粒滷水蛋。正常發揮，就好似你自己喺屋企都煮到嘅菜式咁🙂 飯係用咗珍珠米，口感都OK，燒豚肉唔會好乾，調味亦剛好。整體不過不失，但又冇乜特別或者驚喜囉。半筋半椒牛肉麵$92。可以揀有配菜（雪菜同蔥），麵可以揀粗麵或幼麵，我揀咗粗麵。有三片牛腩同兩舊牛筋，有啲菜同金菇。個湯底應該係用咗花椒仲有啲辣椒碎，所以對於平時唔食辣嘅我就會覺得有啲辣🥵。牛腩係連埋筋腱果種，好淰所以我最滿意係呢點。牛筋未算淰身同埋冇乜味。呢個麵我覺得賣得偏貴。小食係皮蛋肉鬆豆腐（凍食）。個配搭我覺得有啲怪，但朋友想試就叫咗一份試吓啦。個人唔太喜歡加咗肉鬆，皮蛋同豆腐兩樣都唔係好濃味嘅嘢，雖然佢有啲汁淋左喺上面，但食落去都好似冇乜味😂 天氣熱想食啲凍嘢消暑都可以試一試嘅。至於杯珍珠奶茶$28，雖然好大杯，但係偏向重奶味，個茶味唔太突出，啲珍珠亦都比較細粒同埋硬身，要咬好多下先可以咬碎吞落肚🫠 唔係我杯茶囉。埋單二百四十幾
當時餐廳嘅入座率有一半左右，同朋友兩個人叫咗一人一個正餐，加一份小食同嘢飲。
燒肉便當冇記錯係$69。有一格燒豚肉片，一格菜同一格白飯，半粒滷水蛋。正常發揮，就好似你自己喺屋企都煮到嘅菜式咁🙂 飯係用咗珍珠米，口感都OK，燒豚肉唔會好乾，調味亦剛好。整體不過不失，但又冇乜特別或者驚喜囉。
半筋半椒牛肉麵$92。可以揀有配菜（雪菜同蔥），麵可以揀粗麵或幼麵，我揀咗粗麵。有三片牛腩同兩舊牛筋，有啲菜同金菇。個湯底應該係用咗花椒仲有啲辣椒碎，所以對於平時唔食辣嘅我就會覺得有啲辣🥵。牛腩係連埋筋腱果種，好淰所以我最滿意係呢點。牛筋未算淰身同埋冇乜味。呢個麵我覺得賣得偏貴。
小食係皮蛋肉鬆豆腐（凍食）。個配搭我覺得有啲怪，但朋友想試就叫咗一份試吓啦。個人唔太喜歡加咗肉鬆，皮蛋同豆腐兩樣都唔係好濃味嘅嘢，雖然佢有啲汁淋左喺上面，但食落去都好似冇乜味😂 天氣熱想食啲凍嘢消暑都可以試一試嘅。
至於杯珍珠奶茶$28，雖然好大杯，但係偏向重奶味，個茶味唔太突出，啲珍珠亦都比較細粒同埋硬身，要咬好多下先可以咬碎吞落肚🫠 唔係我杯茶囉。
埋單二百四十幾，要收加一，呢個價錢我諗出面應該有更好選擇～
張貼
