影片
更多
2025-04-02
0 瀏覽
朋友升職加薪，請我哋去呢間位於銅鑼灣V point 29樓嘅張公館，居高臨下，再加埋落地大玻璃， 維港靚景一覽無遺。🥢紅燒潮州翅口感豐富，啖啖精華又足料，魚翅與芡汁融為一體，入口軟糯香滑，加入芫茜及浙醋，更添獨特風味。🥢風味四小食• 香煎墨魚卵糠煎得甘香，質地Q彈中帶軟綿，口感特別。• 迷你蝦醬骨蝦醬味鹹香濃郁，肉質鬆化中亦帶咬口感。• 話梅汁蕃茄仔石榴片石榴片爽脆帶酸甜話梅香。• 鐵板蜜汁厚切叉燒真係好厚切，肉質軟腍又富口感，蜜味甜香。🥢脆皮鹽香雞 半隻放上檯已聞到好香燒雞味，雞皮真係好薄，而且超香脆，肉嫩又有雞味，就算雞胸都完全唔柴。🥢普寧豆醬炒雜菜煲清炒菜通常比較寡口，所以朋友叫咗個雜菜煲，配合濃郁惹味嘅普寧豆醬，同時亦薑味十足，食菜都夠哂惹味。🍯生磨蛋白杏仁茶鮮製嘅杏仁茶夠哂滑溜，杏仁味亦非常濃郁，最有驚喜嘅蛋白部份，下層係水漾般幼滑嘅蒸蛋白，配合杏仁茶，暖身又滋潤。🍮桂花五色糕純手工甜品五色糕，第一層係桂花糕，第二層係哈密瓜，第三層係士多啤梨，第四層係芒果，第五層係椰汁糕 ，用上新鮮水果整成，食落每層有唔同口感及味道，清甜好味。🥜小食酸蕎頭：大大粒好爽口， 酸度適中。魚仔花生
🥢紅燒潮州翅
口感豐富，啖啖精華又足料，魚翅與芡汁融為一體，入口軟糯香滑，加入芫茜及浙醋，更添獨特風味。
🥢風味四小食
• 香煎墨魚卵糠
煎得甘香，質地Q彈中帶軟綿，口感特別。
• 迷你蝦醬骨
蝦醬味鹹香濃郁，肉質鬆化中亦帶咬口感。
• 話梅汁蕃茄仔石榴片
石榴片爽脆帶酸甜話梅香。
• 鐵板蜜汁厚切叉燒
真係好厚切，肉質軟腍又富口感，蜜味甜香。
🥢脆皮鹽香雞 半隻
放上檯已聞到好香燒雞味，雞皮真係好薄，而且超香脆，肉嫩又有雞味，就算雞胸都完全唔柴。
🥢普寧豆醬炒雜菜煲
清炒菜通常比較寡口，所以朋友叫咗個雜菜煲，配合濃郁惹味嘅普寧豆醬，同時亦薑味十足，食菜都夠哂惹味。
🍯生磨蛋白杏仁茶
鮮製嘅杏仁茶夠哂滑溜，杏仁味亦非常濃郁，最有驚喜嘅蛋白部份，下層係水漾般幼滑嘅蒸蛋白，配合杏仁茶，暖身又滋潤。
🍮桂花五色糕
純手工甜品五色糕，第一層係桂花糕，第二層係哈密瓜，第三層係士多啤梨，第四層係芒果，第五層係椰汁糕 ，用上新鮮水果整成，食落每層有唔同口感及味道，清甜好味。
🥜小食
酸蕎頭：大大粒好爽口， 酸度適中。
魚仔花生： 花生夠香脆，魚仔脆卜卜夠鹹香。
今次嘆盡維港靚景並品嚐到店家必食招牌菜之一嘅紅燒潮州翅，純正潮州風味，真係一生人一定要試一次，下次朋友嚟香港都要帶佢試下先😝。
張貼
