Rempah Noodles

營業中

休息中

都好一段時間冇黎食，晚上六點見到店舖外面同入面都無客人，同之前黎食2次要排隊都覺得奇怪。滿心歡喜唔駛排隊咁就同朋友坐低食吓野傾吓偈。由於我已經食咗嘢，我就推介朋友試佢個喇沙，叫咗個斑斕多士同兩杯嘢飲！我同朋友兩個人食食吓，喺我哋傾偈途中個店員突然間好大聲講excuse me！仲要態度好rude咁講！然後就喺我哋兩個中間突然間伸隻手入嚟收野，當時朋友其實個口仲咬緊個多士，杯野都未開始飲，已經趕住收野！而當時門口係冇人等位，餐廳入面亦都有其他坐位！而我哋當時食左45分鐘……！我哋見佢咁惡，算啦，嗱嗱聲食完飲完好即刻走！去到埋單，問佢有咩payment methods, 佢態度勁差咁話cash/ Payme! 見到佢個面口，我忍唔住問佢，其實我哋兩個人食咗一個鐘都冇，唔需要咁rude!佢即時當住其他客人面前發難再鬧人！仲要鬧翻我哋轉頭話係我地態度差😅😳你喺我哋兩個中間突然咁大聲講excuse me，我哋俾你嚇親都未出聲！未食完就收野，澳牛都唔會啦！打開門做生意咁燥底應該係求氣🫣題外話，原來我早一年前帶我另一個朋友黎食，佢都話有差唔多嘅經歷，都係不停收野好似想趕人走咁！我完全唔記得咗有咁既事！