西塔老太太烤肉

營業中

休息中

是日約了朋友一齊到尖沙咀食晚飯,想搵一間餐廳坐得舒服,可以傾耐啲計,又好食既餐廳。甘耐經過西塔老太太烤肉,見客似雲來,門面又幾唔錯,所以就選左呢度食晚餐。我地見餐牌選擇好豐富,最後點左佢既二人套餐,豐富得黎又唔洗傷腦筋諗。套餐有提供韓式前菜:泡菜,蒸蛋,薯蓉,紫菜湯等等,可以免費無限量encore。個人覺得薯仔蓉幾唔錯,配埋醬汁,令我添食左2次,畢竟好少韓式餐廳有提供。烤肉方面,有不同肉類同部位提供。有肥牛,牛隔膜,肋條,豬五花,和蔬菜。而韓燒黎講,最好味一定係五花腩,咬落去有香濃烤豬肉味,仲有脂肪油漏出黎,配埋韓式包生菜的食法就一流!不論豬肉牛肉,肉質都軟嫩多汁,對得住價錢!店員都好細心,會不時過來幫手燒,仲會問埋想生少少或是全熟,十分貼心。