Hungry Monkey (金朝陽中心二期 - Midtown) (已結業)

鐵板燒唔一定係高價先有得食，hungry monkey menu有多款選擇價錢唔貴！地理位置夠哂方便！hungry monkey完全滿足到我既要求！坐係bar台度睇住廚師"表演"廚藝技術，聽住刀與鐵板撞擊既聲音，特別悅耳！蕃茄蒜子沙律，冰凍既蕃茄透心涼，再有半溶既蒜粒做 topping, 味道更加惹味！磯煮鮑魚為涼盤，已經經過特別醃製，賣相幾靚仔而且切好一粒粒方便易食！質感又夠爽彈，味道一流，感覺非常新鮮。托托蜆，蜆肉夠大隻無縮水，keep到鮮味！再有蒜粒作調味，令到層次更昇華，無沙又新鮮。豬茜卷，為餐廳新創菜式！一般我都唔抗拒芫茜，但呢份菜式可以說令我愛上芫茜，豬肉燒到夠 juicy多汁，包住大量芫茜，蒜粒！口感層次非常豐富，而且夠濃味！好好食又多汁，不得了松葉蟹肉甲羅燒，超香濃既蟹膏，松葉蟹肉，蟹籽放在餅乾上食，口感好香脆又夠入味，蟹膏香而不膩！越食越想食！再有松葉蟹肉更提鮮。正呀！整體食物，環境，service都令我非常impress, 一定會再去。