帝樂德國餐廳 (Fashion Walk) (已結業)

印象中景樂集團旗下的餐廳美食係相當高質，所以來到不用懷疑。餐廳有著農村酒館風格，採用古樸木系暖色吊燈和掛了壁畫，營造出樸實溫馨的氣氛。另設有露天庭院戶外座位，飲啤酒吹吹風都幾有mood的。而美食都幾好食，價錢合理，和朋友來這裡放鬆一下都唔錯。凱撒沙律盤配雞肉,吞拿魚汁及香草欖油醬 $145沙律菜新鮮爽脆，撈起凱撒醬汁美味，雞肉薄切份量幾多，整碎變成雞絲更好食，仲有車厘茄和鬆脆的麵包粒，健康美味。紐倫堡豬肉腸配酸椰菜 $150德國香腸最出名來到當然要食，白肉腸六條粗而大，外皮脆而薄，肉質彈牙有肉汁，有香草味有肉香，唔會好鹹，配黃芥末醬食都幾好。伴有酸椰菜解膩又開胃，仲有薯蓉，整體都幾好食。德國芝士麵糰配素菜 $180麵團口感特別食落相當煙韌，芝士味濃郁，有拉絲效果，配青露荀清爽甜美，食下食下咪話唔飽。Peach Punch $60橙汁加桃味道清新，充滿水果風味，加了糖漿甜美，混了薑汁汽水增添辛辣氣息。Berry Party $60這杯色澤粉紅，酸莓味十足，酸酸甜甜幾開胃。