影片
更多
2007-03-27
21 瀏覽
依間麵檔既歷史超過三十年，由現時老闆個老豆傳到佢手上既家族生意。我讀緊幼稚園幾歲大就食佢地既魚蛋粉麵到今日，除左味道、價錢、位置有所改變外，做生意手法貫徹始終無變過。當年係普益街街市開業，因火災燒左成個街市，而搬到幾年前清拆掉的大埔臨時街市，再到現在遷到新街市。此店多年都係無外賣、無寫單、無飲品、無選擇、無任攞辣椒油。要外賣就自己帶器銘、外賣兜；唔會落單，只靠口述用腦記；無預先叫定，輪到您時先有侍應問您食咩；無選擇，只有魚蛋、粉、麵、鴛鴦，無淨叫魚蛋或魚片；無飲品，請係附近啲茶水檔買；要加辣油，請向職員索取。依家既環境已係最舒適，有空調、禁煙、寬闊既通道、比較乾淨既公廁、闊落既坐位、無油煙。服務態度比當年已殷勤百倍架喇。以前真係到十二點半就趕客走，唔比再等位。要求多少少辣油即黑面，厭等得耐就請過主唔好食咁。所以我有朋友形容依度啲麵叫受氣麵架。依家好左好多，有返啲笑容，有返啲服務。終於入正題講返啲出品，魚蛋粉麵。粉，幼幼滑滑的，口感棉棉，不糊不散。麵，咽咽哽哽，唔會有鹼水味。自家製白雪雪魚蛋，好有魚味，彈牙。魚片，差左，比較淡口左、林左。炸魚皮，並唔會落脆漿炸，有肉有皮，好香脆，係自家特
當年係普益街街市開業，因火災燒左成個街市，而搬到幾年前清拆掉的大埔臨時街市，再到現在遷到新街市。
此店多年都係無外賣、無寫單、無飲品、無選擇、無任攞辣椒油。要外賣就自己帶器銘、外賣兜；唔會落單，只靠口述用腦記；無預先叫定，輪到您時先有侍應問您食咩；無選擇，只有魚蛋、粉、麵、鴛鴦，無淨叫魚蛋或魚片；無飲品，請係附近啲茶水檔買；要加辣油，請向職員索取。
依家既環境已係最舒適，有空調、禁煙、寬闊既通道、比較乾淨既公廁、闊落既坐位、無油煙。
服務態度比當年已殷勤百倍架喇。以前真係到十二點半就趕客走，唔比再等位。要求多少少辣油即黑面，厭等得耐就請過主唔好食咁。所以我有朋友形容依度啲麵叫受氣麵架。依家好左好多，有返啲笑容，有返啲服務。
終於入正題講返啲出品，魚蛋粉麵。粉，幼幼滑滑的，口感棉棉，不糊不散。麵，咽咽哽哽，唔會有鹼水味。自家製白雪雪魚蛋，好有魚味，彈牙。魚片，差左，比較淡口左、林左。炸魚皮，並唔會落脆漿炸，有肉有皮，好香脆，係自家特別製法，其他舖頭食唔到。湯底，無錯的話係雞骨清湯底，不太咸，飲埋啲湯都唔會太口渴，如果加埋佢地特製既辣油，係會非常好味。此處的辣油只屬小辣，甜甜的，香味就十足。
無可否認依家啲出品比以前係差左唔少，曾向老闆娘查詢，稱今時唔同往日，黎既料質數唔同左，依度新街市既煮食用具又唔同左，所以點都有啲出入。
都幾個月無黎，原來每碗加到十五蚊，但比以前份量多左少少，所以今次叫兩碗加埋杯飲品，差啲食唔晒。
張貼