影片
更多
2021-07-26
2012 瀏覽
我之前喺西灣河分店食過佢哋嘅豬手，都唔錯😁 今次嚟到沙田又嚟「The salted pig」食多次，試吓其他菜式！ 沙田呢間分店門外長期都有人排隊，好彩我今日六點嚟到，職員都安排到座位比我😎呢度嘅環境都幾熱鬧，適合同朋友或者屋企人聚會！叫得「The salted pig」就知呢度係主打有關豬嘅菜式🐷 上次已經食過個豬手，今次就食吓魚同雞啦！🤣 睇吓佢其他菜式水準如何先😮❤️ 招牌燒雞胸沙律、烚蛋、青瓜、粟米、煙肉粒、菲達芝士 $138分量比我想像中大份，都幾大兜😳 雞胸表面有輕輕燒過，肉質好柔嫩，一啲都唔嚡同乾，似係有經過慢煮再拎去燒👌🏻 除咗有燒雞胸，仲有唔少煙肉粒，食埋沙律菜同其他配料都幾飽肚🙊❤️ 豬皮脆片、牛油果醬 $78小食我都係叫返有關豬嘅小食😂 豬皮個size都幾大片亦都幾厚，炸到好酥脆而且乾身，有滿滿嘅豬油香🐖 好邪惡😈 配埋牛油果醬中和唔少油膩感🥑❤️ 煎原條海鱸魚柳海鮮燴、鮮蝦、蜆、辣肉腸、麵包粒 $298主菜叫咗海鱸魚🐟 估唔到有兩大條海鱸魚柳🙀 條魚已經去咗骨好貼心💕 個底有蜆同鮮蝦，配上高湯好鮮甜，鮮蝦爽口彈牙，蜆肉索哂啲湯汁好入味，魚柳表面煎香咗零舍好味😻 估唔到
呢度嘅環境都幾熱鬧，適合同朋友或者屋企人聚會！叫得「The salted pig」就知呢度係主打有關豬嘅菜式🐷 上次已經食過個豬手，今次就食吓魚同雞啦！🤣 睇吓佢其他菜式水準如何先😮❤️ 招牌燒雞胸沙律、烚蛋、青瓜、粟米、煙肉粒、菲達芝士 $138
分量比我想像中大份，都幾大兜😳 雞胸表面有輕輕燒過，肉質好柔嫩，一啲都唔嚡同乾，似係有經過慢煮再拎去燒👌🏻 除咗有燒雞胸，仲有唔少煙肉粒，食埋沙律菜同其他配料都幾飽肚🙊❤️ 豬皮脆片、牛油果醬 $78
小食我都係叫返有關豬嘅小食😂 豬皮個size都幾大片亦都幾厚，炸到好酥脆而且乾身，有滿滿嘅豬油香🐖 好邪惡😈 配埋牛油果醬中和唔少油膩感🥑❤️ 煎原條海鱸魚柳海鮮燴、鮮蝦、蜆、辣肉腸、麵包粒 $298
主菜叫咗海鱸魚🐟 估唔到有兩大條海鱸魚柳🙀 條魚已經去咗骨好貼心💕 個底有蜆同鮮蝦，配上高湯好鮮甜，鮮蝦爽口彈牙，蜆肉索哂啲湯汁好入味，魚柳表面煎香咗零舍好味😻 估唔到佢哋嘅魚都幾好食！唔食豬嘅朋友仔可以試吓💁🏻♀️❤️ 瘋狂！香蕉雪糕新地 $88
個新地有兩個雪糕球：朱古力& 雲呢拿味；仲有迷你窩夫、香蕉、棉花糖、whipped cream同少量m&m！🍨 一邊食嗰時一邊諗起我細個食過嘅香蕉船，即刻喚起我嘅童年回憶👶🏻 不過呢個新地嘅雪糕相對好食，朱古力同雲呢拿味道都好濃郁👅❤️ Passion apple $58 & Pineapple juice $38
Passion apple係mocktail嚟，係由熱情果、蘋果、桃、士多啤梨混合而成，士多啤梨味較為突出，味道酸甜有致。菠蘿汁稍微甜咗少少，好濃菠蘿味🍍餐廳推薦度：⭐️⭐️⭐️⭐️ (4/5)
上次食過佢哋個豬手都幾好食，呢度除咗食豬肉菜式，亦有其他菜式選擇！我個人就幾推介個Sea bass，食豬食到悶悶地，Sea bass不失為一個好選擇🐟 真係估唔到都食得過喎👀 可見菜式水準都幾平均👌🏻
補返Menu👇🏻
張貼
