影片
更多
2021-06-23
4446 瀏覽
前排端午節黎呢度慶祝，frd話端午節要食Chinese cuisine，其實我真係好少食中餐（火鍋除外），亦都好少食到鍾意嘅中餐廳，呢間端午節推出特別嘅應節dinner menu，加一之後一位要差唔多成2000蚊，不過聽講好似係米芝蓮推薦，多左d信心。環境非常正！好有派頭，果日人唔多，座位亦非常寬敞，相比好多擁擠嘅日本餐廳，呢間個環境舒適程度絕對一流。端午節dinner set $1580+10%成個套餐好豐富！有成10道菜，包括四款精緻開胃前菜，湯羹、鐵板燒、宮爆蝦球、鮑魚蒸魚、海鮮時蔬、鮑魚炒飯、甜品等等，仲有兩款糭贈送。我揀幾樣非常鍾意嘅詳細介紹下：前菜好精緻！分別為日本白苦瓜、胡麻茄子、魚子海參以及叉燒。苦瓜我係極度憎嘅，但呢個苦瓜唔係特別苦，反而有啲酸味，清清爽爽，後味先有d苦～魚子海參好好味，叉燒亦可以接受（我平時完全唔食叉燒，覺得勁油膩勁鹹），唔會太油亦好香。冬瓜蓮子海鮮羹好驚喜！食材相當豐富，用煮熟嘅冬瓜做碗，湯內有蓮子、鮑魚、帶子、蝦蟹等，飲完湯食完海鮮仲可以連埋個冬瓜碗一齊食左，好得意！印象最深刻係金箔鮑魚白松露炒飯，高級食材mix埋真係高質，本身已經食飽嘅我又胃口
前排端午節黎呢度慶祝，frd話端午節要食Chinese cuisine，其實我真係好少食中餐（火鍋除外），亦都好少食到鍾意嘅中餐廳，呢間端午節推出特別嘅應節dinner menu，加一之後一位要差唔多成2000蚊，不過聽講好似係米芝蓮推薦，多左d信心。
環境非常正！好有派頭，果日人唔多，座位亦非常寬敞，相比好多擁擠嘅日本餐廳，呢間個環境舒適程度絕對一流。
端午節dinner set $1580+10%
成個套餐好豐富！有成10道菜，包括四款精緻開胃前菜，湯羹、鐵板燒、宮爆蝦球、鮑魚蒸魚、海鮮時蔬、鮑魚炒飯、甜品等等，仲有兩款糭贈送。我揀幾樣非常鍾意嘅詳細介紹下：
前菜好精緻！分別為日本白苦瓜、胡麻茄子、魚子海參以及叉燒。苦瓜我係極度憎嘅，但呢個苦瓜唔係特別苦，反而有啲酸味，清清爽爽，後味先有d苦～魚子海參好好味，叉燒亦可以接受（我平時完全唔食叉燒，覺得勁油膩勁鹹），唔會太油亦好香。
冬瓜蓮子海鮮羹好驚喜！食材相當豐富，用煮熟嘅冬瓜做碗，湯內有蓮子、鮑魚、帶子、蝦蟹等，飲完湯食完海鮮仲可以連埋個冬瓜碗一齊食左，好得意！
印象最深刻係金箔鮑魚白松露炒飯，高級食材mix埋真係高質，本身已經食飽嘅我又胃口大開～
贈送嘅兩款糭都非常好味，一款係川辣味，勁辣勁好食；另一款清爽啲，食材好豐富～
甜品又係一大驚喜，初頭以為係普通糖水，楊枝甘露或者杏仁霜果啲，結果端上來一大碟冒緊白煙嘅蜜瓜，煙霧散去後先睇清，入邊係燕窩同少少西洋參，咁健康嘅甜品真係令人拍手稱讚！
服務態度勁好，成餐飯食得勁開心！非常適合成家人去慶祝節日😊
張貼