Mokumoku Yakiton (永光商業大廈)

營業中

休息中

身邊總有好多朋友唔食牛，所以就搵咗呢間食豬嘅專門店。牆上幅圖係牛就見得多，豬我就第一次見。前菜係呢個看似普通但其實唔普通嘅蕃茄，食完寧捨開胃。睇埋drink menu發現佢仲有好多款cocktail，我就選擇咗Suntory啤。店員推介呢款粒貝，食落非常新鮮同爽口。海鮮新鮮外，串燒亦不能不試，我叫咗幾款豬肉串同蔬菜串，個燒蒜頭係值得推介。燒物真係好睇個人喜好，但大部分都覺得好好食。最後上嘅係燒活魚，雖然比較多骨但燒得好好味，皮脆而內裡肉質鮮甜。甜品亦有驚喜，將雪糕釀入椰子度真係第一次食，濃郁椰子味雪糕。埋單兩人食咗千七蚊，物有所值。提提大家埋單前scan個QR code 加follow埋佢個page，張單有九折，有jetso唔好蝕俾佢。