漁獲浜燒 (已結業)

老公鍾意食海鮮，所以呢日就book咗去漁獲浜燒慶祝生日！餐廳裝潢猶如一般日式居酒屋，但多咗放著活海鮮嘅魚缸，鰻魚、南非活鮑魚、松葉蟹、龍蝦等都係即撈即劏即燒。食海鮮，最好當然配sake！點咗一枝越後櫻醉樂無極大吟釀（300ml $288），入口帶點淡淡旨味，口感順滑，落到喉嚨感覺舒暢！呢排天氣轉涼，熱飲都特別暖胃！黑松露炙燒平目魚邊沙律($138)沙律菜新鮮爽脆，淋上醋汁，酸甜開胃，面頭有大量黑松露醬，食落多咗黑松露嘅香味，好有層次！平目魚邊魚油豐腴，炙燒後油脂逼出，入口即溶，配沙律剛好平衡咗平目魚邊嘅油脂，值得一試！漁獲浜燒盛合($888)浜燒盛合好豐富，有珍寶大蝦、松葉蟹腳、鮑魚x2、蠔x2及活帆立貝x2。由於我唔食蝦，店員就細心地替我改做文蛤蜆。海鮮好新鮮，鮑魚浜燒前仲係活生生，好生猛！燒蠔大隻又肥美，燒完之後脹卜卜，一咬就鮮味迸發，好滿足！文蛤蜆都好大隻厚肉，由於好新鮮，所以唔駛蘸醬汁，淨係食海鮮嘅原味都已經鮮味十足！帆立貝可以揀唔同嘅做法，我揀咗清酒燒及牛油燒，前者更加襯托出帆立貝本身嘅鮮味，後者就比較惹味，各有千秋！燒油甘魚鮫($168)油甘魚鮫外皮燒得甘香，內裡魚肉保持嫩