長阪燒 (已結業)

🥢拖羅海鮮豪華太卷一次過有齊海膽、拖羅同三文魚子，夠曬豪華；入口鮮甜得嚟又充滿海水味🤤🥢海鮮包菜手卷三點盛分別係炙燒拖羅、海膽左口魚同蟹肉三文魚子手卷，用爽脆生菜代替紫菜，更加refreshing！🥢（左起）豚肉蒜心卷、青椒蝦滑串、五花腩、自家製醬燒豆腐、明太子醬燒翠肉瓜首先要推薦青椒蝦滑串同五花腩串燒，前者嘅蝦滑同青椒嘅結合帶出嚟嘅味道好鮮甜爽脆；後者肉質嫩滑，一口咬落去，肉汁都逼迸出嚟！明太子醬燒翠肉瓜口感清脆，明太子嘅鹹香同翠肉瓜嘅鮮甜完美結合；自家製醬燒豆腐外層燒得香脆，個醬係甜甜地嘅，都幾好食。🥢香辣牛肉新菜色嚟，辣味適中，肉質鮮嫩多汁。🥢虎蝦天婦羅勁大隻勁多肉，蝦肉鮮美，外層炸得金黃酥脆！🥢子の迷你壽司盛迷你壽司盛入面有幾款迷你壽司，包括三文魚、鰻魚、甜蝦同玉子壽司，擺盤精緻😆