Espresso Alchemy (海港城港威商場)

營業中

休息中

今日去尖沙咀約朋友傾啲野，即時諗起呢間，行去碰下運氣睇下有冇位，好彩有位。有45分鐘月餐時間，當coffee shop嚟講都夠啦。兩個人諗住叫all day breakfast ，但見隔離枱食緊個龍蝦牛油果早餐好大份又幾吸引，所以最後嗌左一份share食。《 海港城龍蝦牛油果全日早餐 $199 》 有半隻開邊龍蝦，肉唔算嫩但又幾彈牙，蛋炒得幾香滑，牛油果香軟，仲有兩條腸仔，菇粒，牛角包，車厘茄同哈密瓜，好豐富，兩個人食完都有飽肚感。《 生酮宇治抹茶忌廉卷 $59 》好奇下試下 生酮 蛋糕，叫左個抹茶忌廉卷，口感同普通蛋糕差唔多，反而無咁甜膩幾好味。 《 Espresso Tonic $50 》酸酸甜甜又有咖啡香，次次都會飲。《 Daily cake - blueberry pound cake $31 》時日蛋糕我揀咗藍莓蛋糕，牛油味幾香，口感幾rich 唔太甜。