八方庭

營業中

休息中

約咗朋友喺八方庭食生日飯，呢個生日飯真心不錯，餐廳環境好，食物味道更加係一流，下次都要同朋友再嚟食過。蝦球豆腐蒸水蛋，呢個蝦球豆腐蒸水蛋清新又健康，味道更加係一流，爽甜的蝦肉大隻又鮮甜，豆腐蒸水蛋又滑又香，好好味！七味豆腐，又脆又軟嘅綜合體，充滿黃豆味，再加上又香又辣嘅七味粉，令整個味道更豐富。川辣口水雞，夠辣夠惹味，雞肉好有雞味，又嫩又滑，連雞皮都好好味。個川辣口水汁用嚟送飯更加係滋味無窮。上湯澳洲大龍蝦（烏冬底），龍蝦伊麵就食得多，龍蝦烏冬第一次喺度食，我個人真係鍾意食烏冬多啲，因為烏冬Q彈又好味，仲唔會好似伊麵咁油膩，個人對呢度呢樣嘢非常讚。龍蝦大大隻，蝦肉鮮甜又彈牙。