影片
更多
2020-07-19
1151 瀏覽
平時湊仔咁辛苦，硬係要約下朋友出去輕鬆下~湊巧 #沙田萬怡酒店 #MoMoCafé 新推出「盛夏海鮮薈萃自助晚餐🦐🦞🦀」真係吸引到我，Openrice預訂仲有7折優惠添呀💛。年紀大咗食唔到好多肉類/澱粉質，但食海鮮我就多多都食到😝😝。呢度環境不錯，座位亦好鬆動，坐得好舒服👍🏻。用餐時間有4小時，啱晒三五知己邊食邊談天說地慢慢嘆😌。講番個buffet先，海鮮種類真係好多，除了每晚供應12款 #海鮮，包括波士頓龍蝦、琵琶蝦、加菲蟹、法國羔蟹、鱈場蟹腳、帆立貝、瀨尿蝦、藍青口、熟蝦、蜆、黃金螺及東風螺，每樣都好新鮮✨! 仲有有如手掌般大的日本室津刺生級生蠔，非常鮮甜肥美🤤。不過酒店為確保食物安全衛生，生蠔則不設無限供應，只做位上兩隻🦪🦪。另外仲有新鮮 #刺身🍣(三文魚、希靈魚、八爪魚、鯛魚等) 、Salad bar、各式火腿、仲有我喜愛的芝士配脆餅呀~除了冷盤吸引，熱盤亦有好多選擇，有香口南乳焗雞球、松露野菌烤焗羊架、鹹菜唐芹浸沙白、脆炸魚柳配南極紫晶藻他他汁，昆布紅燒肉烤西冷扒、各式燒味、即叫即煮的粉麵區🍜南瓜甘筍忌廉湯、足料 #蔘須紅棗圓肉燉赤肉仲有兒童區提供各款輕食包括迷你Pizza
湊巧 #沙田萬怡酒店 #MoMoCafé 新推出「盛夏海鮮薈萃自助晚餐🦐🦞🦀」真係吸引到我，Openrice預訂仲有7折優惠添呀💛。年紀大咗食唔到好多肉類/澱粉質，但食海鮮我就多多都食到😝😝。
呢度環境不錯，座位亦好鬆動，坐得好舒服👍🏻。用餐時間有4小時，啱晒三五知己邊食邊談天說地慢慢嘆😌。
講番個buffet先，海鮮種類真係好多，除了每晚供應12款 #海鮮，包括波士頓龍蝦、琵琶蝦、加菲蟹、法國羔蟹、鱈場蟹腳、帆立貝、瀨尿蝦、藍青口、熟蝦、蜆、黃金螺及東風螺，每樣都好新鮮✨!
仲有有如手掌般大的日本室津刺生級生蠔，非常鮮甜肥美🤤。不過酒店為確保食物安全衛生，生蠔則不設無限供應，只做位上兩隻🦪🦪。
另外仲有新鮮 #刺身🍣(三文魚、希靈魚、八爪魚、鯛魚等) 、Salad bar、各式火腿、仲有我喜愛的芝士配脆餅呀~
除了冷盤吸引，熱盤亦有好多選擇，有香口南乳焗雞球、松露野菌烤焗羊架、鹹菜唐芹浸沙白、脆炸魚柳配南極紫晶藻他他汁，昆布紅燒肉
烤西冷扒、各式燒味、即叫即煮的粉麵區🍜
南瓜甘筍忌廉湯、足料 #蔘須紅棗圓肉燉赤肉
仲有兒童區提供各款輕食包括迷你Pizza🍕、迷你漢堡🍔、熱狗🌭、格格薯塊、薯條、炸雞塊、芝士焗通粉、阿波羅雪條 等，仲有小朋友至愛Popcorn🍿添!
這個dinner buffet最特別🌟是每晚7點設有現場烹調環節，我食個晚主廚👨🏻🍳就示範 #黑松露意大利飯，跟足意大利傳統做法，將熱辣辣意大利飯倒進原個帕爾馬芝士內，讓熱力令芝士溶化再與Risotto拌勻🥣，還即席將新鮮黑松露🧆刨片上碟，成個表演非常精彩呀👏🏻👏🏻👏🏻~
Risotto食落好creamy，還有好香的黑松露味道，而且飯粒軟硬適中，吃起來分外滋味😋。
食buffet當然唔少得我最愛吃的甜品區🍨🧇🍰，呢度仲有我至愛的 #香港美食，豆腐花、萄撻、雞蛋仔、格仔餅，每樣都整得好有水準，配合 #Mövenpick 雪糕一齊食，好滋味。Mövenpick仲有6款味道選擇添😃😃。
另外自家製雪條也值得一試，包括番石榴、無花果🧄、蜜瓜、血橙🍊4款創新口味，非常特別。我試咗無花果味，唔會太甜又好有口感，啱晒夏天食，食完感覺好清涼💦。
值得一讚👍🏻係酒店已加強衛生防護措施，包括：遵循萬豪衛生清潔承諾、加強清潔消毒、大部分食物由師傅夾、賓客夾食物時必需戴口罩⚠️，咁賓客就食得安心啦。
張貼
