MoMo Café

營業中

休息中

一月之星生日飯，即係me~相約去食Buffet，上網見KKday有個優惠買一送一優惠，平均每人HKD473起，即吸引了~Thanks Yan請客>3<~!MoMo Café，之前食過西環果間，今次係石門，甚少踏足只去過一次，但原來個路線都幾易搵呢。海中寶•春日薈萃自助餐，用餐時段: 18:00-21:30。餐廳面積頗大，裝潢感覺柔和，但坐位就唔太舒適，張椅較細又冇位擺袋，木枱亦冇餐墊，刀叉係個木盒到自己拎，感覺好hea。冷盤。即開生蠔。刺身。龍蝦。片皮鴨。熱盤。鴨肝。甜品。雪糕。有啤酒啤啤佢。刺身，味道正常水準。即開生蠔，當然係最多人排隊，一次限拎兩隻，偏瘦，口感爽脆，海水味重比較鹹味。龍蝦，尚算厚肉，肉質爽口味道鮮甜。片皮鴨，鴨味道普通，皮唔算脆，當過下口癮。田雞，好少食，見到有就試下，肉味甜夠滑。長腳蟹，尚算多肉，味道較鹹。麵包蟹，好多蟹膏。香煎鴨肝，香口油潤。羊鞍，少許羶味幾香口。清蒸沙巴龍躉，魚肉滑又鮮味，不俗。沙律及冰鎮鮑魚爽彈。桃膠茨實燉羊肚耳湯，飲啖湯水，好足料。生滾花膠觸粥，海鮮材料十足。有個少驚喜，送上的生日蛋糕~Thanks大家>3<

-MoMo Café from 𝐂𝐨𝐮𝐫𝐭𝐲𝐚𝐫𝐝 𝐛𝐲 𝐌𝐚𝐫𝐫𝐢𝐨𝐭𝐭 🍄隨著野菌同松露季節既來臨 位於沙田萬怡酒店2樓既MoMo Café最近推出性價比高「野菌與可可盛宴自助餐」運用當季美食 — 推出一系列以野菌同松露入饌既美食並輔以濃郁芝士🧀 + 鹹香火腿🍖 + 甜美朱古力🍫而家係KKday 買周末自助餐仲帶買一送一 人均$287！🥗 前菜冷盤沙律有唔少加入野菌既款式 - 包括辣味雞脾菇＋味噌蘑菇＋烤大蘑菇火箭菜巴馬臣芝士沙律 ＋ 鹹香艾文頓芝士金門火腿冷盤方面有多款火腿＋肥美挪威煙三文魚同壽司可以揀芝士方面就有艾曼塔芝士＋藍芝士＋金文畢芝士去配搭麵包醃漬前菜都幾唔錯 特別係味付墨魚仔＋麻辣青口 另外仲有四喜烤麩同中華沙律可以揀🦪 海鮮區回本既部分 - 任食即開生蠔同長腳蟹 都係新鮮而且海水味重 另外仲有海螺＋蜆同青口刺身方面個人比較中意鮮甜紅蝦同帶子而三文魚＋吞拿魚同油甘魚都係厚切肥美 🧀 芝士料理黎到今次自助餐既主題之一 - 芝士噴泉同原個巴馬臣芝士撈米仔粉；朱古力噴泉就見得多 芝士噴泉就第一次試 當晚有蘑菇 / 粟米脆片 / 炸雞同麵包可以吉住黎淋上芝士 建議拎到就快快番

見到甜品counter既員工，唔知傷風定感冒，一直索鼻但無帶口罩。每次想到佢counter拎野，總發生d事，俾佢嚇到唔敢拎：用戴住手套既手背抺鼻，抺完無清潔就幫客人拎野食，見到兩次。幫人拎野食，跌左落檯面，都俾客人。所以係無食佢處理既食物，好在甜品係Momo cafe 弱項，唔食無損失。有位員工，見地面有食物跌左落地，徒手拾起，跟住就用無清潔既手，去搬乾淨既食物碟。作為一個自助餐愛好者，真係未試過有邊酒店自助餐會咁。講返食物質素，種類，我覺得係唔錯。海鮮有龍蝦、生蠔、青口等等，一直源源不絕。刺身，特別係吞拿魚，無渣，而且夠鮮甜。羊架、花膠雞粥、碗仔翅都好食，員工係熱情親切有禮的。好講真，如果唔計衛生意識問題，真係值得再食。

一向勁鍾意食海鮮🐟，知道沙田萬怡酒店 近期做緊以海鮮為主題嘅自助餐，呢間性價比極高嘅自助餐，我一直想試左好耐，今次梗係唔會錯過啦😆。餐廳地方闊落，坐得一啲都唔逼🥰，仲有唔同類型嘅大枱，好適合家庭或者公司聚會😍，另外仲有獨立貴賓房間，想要私隱都絕對無問題💯。自助餐3️⃣月主題係 ：「海中寶春日薈萃自助餐」，週末自助餐可以任食生蠔、鮑魚、蒸新鮮龍蝦，香煎鴨肝、燒南非M5和牛肩胛肉、Beck's啤酒任飲...吓？做到3️⃣月就完？！咁大家唔使擔心，4月都係繼續海鮮主題😍。自助餐4️⃣月主題：「海鮮百匯 • 海鮮自助餐」，週末自助餐可以任食生蠔、麵包蟹、蒸新鮮龍蝦、烤南澳洲36° MB2 金獎和牛肩胛肉、Beck's啤酒任飲等。講返今次嘅自助餐，主打一定係蒸新鮮龍蝦🦞，無限量供應，食到最後一刻都仲有，真係要讚👍；即開生蠔🦪已經唔係間間自助餐可以見到，好多都已經唔敢做，真係要俾個like👍；至於凍海鮮，就有鱈場蟹腳🦀，凍蝦🦐、青口🦪、海螺🐚、鮑魚🦪、麵包蟹🦀等，其中最正一定係麵包蟹，爆哂膏之餘，半隻嘅蟹蓋都大過你嘅拳頭✊️，有夠誇張😆。其他海鮮仲有，蒸龍躉、生滾花膠蟹粥、蒜香花雕大頭蝦、辣酒煮花螺、多款海鮮刺

為食鬼今次嚟到MoMo Cafe食自助餐啦！😝見到做緊為到二百零蚊一位，梗係同啲為食鬼又試下呢間位於石門嘅MoMo cafe。環境舒適，服務員友善又勤力👍食物品種多，有生蠔🦪刺身、凍食、熟食、牛扒、甜品、湯類、蟹粥....多到食唔曬😝講到最特別，個人覺得呢個“花膠宋嫂魚羹”，用料上城，味道一流👍非常好味😋連續飲咗三碗😂其他食物都係跟自助餐水準差唔多，一定令你滿足。二百零蚊一位有咁嘅水準，cp值高，梗係令我滿足又開心啦！

👩‍❤️‍👨情人節我哋去咗食左個buffet慶祝喇🪅潛入深海美味國度🦐🦞🦀🐡🐠🐟🦑🐙食海鮮🦞盡情享受各式海中珍寶🦐體驗窩心嘅好滋味呀🥳🦞MoMo Café「海中寶 • 新春薈萃自助餐」❤️呢間環境好寬敞💯坐得好舒服😌而且食物款式仲勁多✅刺身好新鮮👍生蠔龍蝦任食💯基本上平時食buffet有得食嘅呢度全部有呀🥳最驚喜係呢度仲有片皮鴨食🥢睇住佢煮完即刻拎出嚟就片🦆自己夾d配菜同埋熱辣辣嘅片加埋d醬一齊食😋勁正呀🥳🥢枱與枱之間有足夠空位✅完全唔會有逼嘅感覺👍服務員態度誠懇又有禮貌💯食完嘅食物碟收得好快😋絕對食得𣈱快喔❤️鍾意飲啤酒就更加正呀🥳呢度嘅Beck’s啤酒仲可以無限任飲添🍺正呀喂🥳✍🏻記錄低自己食過啲咩🤩嘩！開心真係可以食好多野呀🥳一定會再嚟呀😛✨冷盤類✨▫️雪場蟹腳▫️麵包蟹▫️翡翠螺▫️八爪魚剌身▫️帶子剌身▫️紅蝦剌身▫️油甘魚剌身▫️吞拿魚剌身▫️三文魚剌身▫️生蠔✨熟食類✨▫️片皮鴨▫️桃膠茨實燉羊肚耳▫️燒南非M5和牛肩胛肉▫️新鮮蒸龍蝦▫️南瓜湯▫️花膠宋嫂魚羹▫️烤蔬菜✨甜品類✨▫️ Movenpick 雪糕▫️番薯芋頭糖水▫️西米奶黃布甸▫️炸香蕉▫️椰撻▫️蛋撻▫️心太軟▫️格仔餅

見咁多網上好評，話哩間buffet 有生蠔任食，我網上預先買飛，有discount，兩個大人去大約200幾蚊一位，lunch buffet性價比算好高。去到見座位寬闊，場地好大，有好多梳化位， 五六個friends 都有半圓形大梳化位坐， 又有多張大枱，合家庭眾會。我哋weekdays去，坐得好鬆動，二人可坐四人枱，樓底高，空間感十足。出去拎食物見到生蠔位置(每次每人限拎兩隻) 長期keep住有四五個人排隊， 生蠔新鮮，雖然不是大隻，但以呢個價錢，這水準算十分合理， 另外其他熟食正常發揮，冇話大驚喜，但種類繁多，我哋12月頭去充滿聖誕氣氛，當月特別推介係巴馬臣芝士配黑松露油米仔粉，芝士味道稍微不夠濃。甜品bar係工作人員應客人要求遂件夾畀你，咁樣安排反而更好，夠整齊清潔，另外有豆腐花，糖水，麵包布甸，M字頭雪糕 等等，食咗兩個多小時，飽到不得了，有機會下次會再嚟。

每逢KKday 出優惠買一送一我家一行十幾人都會去Momo Cafe by Countryard Marriot 大吃一餐因為以三百幾蚊可以食到自助餐同有生蠔🦪龍蝦任食的確係非常抵食呀⋯⋯這是我第三次去這處食自助餐。雖然始終熟食方面係一般菜式，如燒生牛肉，原蛊燉湯、白切雞，原條石班魚和麵檔同埋有個Corner 位主攻燒物同西湯選擇。 前菜方面都有沙律🥗生果、同埋有幾款芝士和煙火腿既。 今次另我眼前一亮係沙田雞粥夠火喉入味⋯⋯蒸龍蝦🦞係熱辣辣的同有三款唔同醬汁配搭。首選汁像芝士松露汁非常出色😋刺身方面都選擇多除一般必有的三文魚、八爪魚🐙吞拿魚外^佢地仲有生蝦油甘魚同我不停encore 嘅鮮甜帶子剌身不過今次有點失色係生蠔🦪不夠肥美所以我只排左兩轉咋😞海鮮方面都有蝦、長腳蟹同軟殼蟹🦀蛋糕方面亦都不算多款式但個椰奶芝麻奶凍又喜出望外喎⋯⋯唔太甜有qq 感佢哋都有萄tart 椰tart 同窩夫🧇配埋四款味道揀嘅movenpick 雪糕🍧唔想食太凍嘅甜品佢地都有豆腐花或雪耳桃膠選擇🔹如果可以再keep warm D仲好🔹總括而言-熟食味道款式係一般的。但如果喜歡海鮮剌身類嘅話真係一陣唔錯嘅自助餐

喺石門嘅萬怡酒店 全新推出「野菌與可可盛宴自助餐」✨兩樣都係我超愛嘅野 即刻試試‼️.〰️前菜冷盤〰️沙律加入野菌 分別有辣味雞脾菇, 味噌蘑菇, 烤大蘑菇火箭菜巴馬臣芝士🍄‍🟫仲有鹹香艾文頓芝士金門火腿沙律🥗Cold Cut有多款火腿, 醃漬前菜同超肥美挪威煙三文魚🥓壽司同日式前菜種類豐富🍙.〰️海鮮〰️最正一定係即開生蠔🦪海螺好高質 勁厚肉鮮甜🐚另外仲有青口, 蝦, 蜆, 刺身🦐厚切三文魚吞拿魚甘香肥美 鯛魚八爪魚好鮮甜🐙🍣 .〰️現場炮製〰️推介廚師即煮嘅原個巴馬臣芝士撈米仔粉🧀再刨上黑松露片 濃香creamy 超正啊🩶仲有燒烤區同中式粉麵檔🍢🍜燒菠蘿酸甜多汁🍍醬燒豚肉爽彈嫩滑🐷.〰️肉類〰️肉肉控必食即切烤肉🍖有澳洲穀飼西冷牛扒同西班牙豬鞍扒🥩熟食區嘅松露汁燴牛肋肉, 牛肝菌忌廉汁烤雞扒, 欖角骨同雜菌芝士汁香草肉丸都好唔錯🐮🐔🐷🧆 .〰️熱葷〰️菜式夠晒國際化 除咗中式小炒同點心🥧仲有西式同印度美食🇮🇳三鮮炒銀針粉同蕃茄燴雜菜有驚喜💞唔少得中西湯, 餐包同熱糖水🍲🍞.〰️甜品〰️過十款中西式糕點賣相精緻🧁大推朱古力麵包布甸 濃郁甘甜 酥脆鬆軟🍞🍮可可控必試 歌劇院蛋糕, 紅酒朱古力果凍, 香橙榛子朱古

由石門港鐵站 C出口行去 cafe 都算易行，行咗 10分鐘，見到惠康超市就到，之後再上2 條扶手電梯就到，唔算難搵。今日去 momo cafe 係食自助晚餐，今日早到咗，已經見到有人等緊入座。一入到去好大，行咗一圈，好多嘢食。今次任食熱龍蝦，龍蝦好大隻，好新鮮，好多膏。而且有4種醬汁，雖然有試配，但覺得最好都係原味最好味。而且佢甜品好多款，我覺得最好係有職員幫你攞，會比較衛生。職員都算多，而且收碟速度快，helpful 。如果下次有機會會再去，想試下 lunch 。

近排有優惠買一送一，就去試吓，主要食物有巴馬臣芝士米仔粉丶即開生蠔（法國細生𧐢）丶四款魚生（三文魚丶章紅／吞拿魚丶𩶘魚及八爪魚）丶燒牛肉丶火腿及其它小食熟食粉麫等。仲有幾款迷你甜品及movepick 雪糕（雲尼拿及焦糖味）等，自助午餐算多嘢食。環境舒適，不過開𧐢伯伯較生手比較慢，就算之後冇人排隊都要人只可拎一碟兩隻回枱，再回來才可取另一碟兩隻，真係第一次聽，而且見你再拎眼神好唔願意比咁（可能想開少啲，感覺好差令人不爽），希望有所改善！

黎到沙田萬怡食自助餐 算係一次比較差既體驗，海鮮既自助餐 結果係質素唔得 連龍蝦都長期唔夠要食客等出爐呢度都算方便 有多區巴士線直達 。環境方面算寬敞空間感大。不過食物種類就真係唔多，而且海鮮質素一般。生蠔唔夠清甜 食落去有d鹹，唔合格。長腳蟹有d ok有d肉唔夠新鮮。鮮龍蝦方面，有d龍蝦會鮮d口感好味d,有d就食落就比較一般，不過因為供應長期不足，有時係要等蒸既。熟食種類都比較少，羊架味道ok。飲品方面有咖啡同熱凍紅茶，自己加檸檬。果汁類就沒有了。雪糕就係movenpick,都有其他甜品。總結黎講，一次就夠。

今日既自助餐係在平台用1折搶番來既 三文魚刺身唔錯 肯厚切但蝦就有d唔新鮮 苦苦地自助餐入面有蠔食 但我同屋企人都唔食蠔 所以係試到蟹腳聽到隔離枱話太鹹 唔敢拎 凍龍蝦每人每次拎半隻 refill都快 羊架加上用香料一齊煎 只係覺得有點太油膩 但都算唔錯甜品選擇比較小亦都有格餅同雪糕格餅較薄 可能唔係即整 食落有d ma ma d雪糕有movenpick, 有比較小係自助餐見到既有特濃咖啡同法式焦糖燉蛋味道關於員工收碟 收得比較慢 而且係選擇性來收 見到食完既碟 都唔肯收 食自助餐最唔想見到就係咁整體來講 食物選擇比較小 如果要原價食 就真係有其他選擇

滿心歡喜星期日一家大細去食自助餐， 去到現場見到啲食物太少選擇，真心唔會去第二次， 服務態度差 味道真係好一般啲龍蝦每人只可以每次一個，仲有前枱嗰個吖姐著西裝個個，應該係佢哋嘅主管個樣態度好不友善

最近見到沙田萬怡酒店嘅Momo Cafe自助餐喺網上平台度做緊買一送一🤑~一直好心動想去試下💗~佢買一送一價只係四百幾~扣埋我啲積分人均二百蚊都唔使~仲要有生蠔食😋!!首先睇下主角生蠔🦪,唔算厚肉,但係好新鮮~海水味比較重同有啲金屬味~算係暫時食過嘅自助餐中數一數二質素嘅蠔了👍~人均唔使二百,有咁樣質素嘅生蠔真係唔錯🥰~不過每次排都7,8個人左右,但都拎咗三轉👌~另外有個凍櫃放凍海鮮同沙律🥗,有大蝦🦐,青口同螺,仲有煙三文魚🐟~沙律除咗沙律菜,仲有啲醃嘅前菜,最驚喜有雅支竹😍~熟食方面係東南亞風味,所以有大頭蝦冬蔭功🥣,仲有不同嘅咖喱🍛~而我鍾意佢嘅泰式魚餅同埋炸春卷🍤~佢嘅鐵板同即燒系列都唔錯,有啲燒粟米🌽,秋葵~仲有個炒豚肉味道都好🐷,不過硬咗啲~另外仲有即煮粉麵檔,有越式牛肉湯底或者喇沙湯底🍜~甜品有Movenpick任食🍨,我本來諗住如果間嘢唔得,食雪糕都夠開心😆~但佢仲有啲窩夫🧇,同埋母親私心大推嘅炸香蕉麻糬🍌~似係炸香蕉糕嘅感覺,煙煙韌韌~仲有一啲小cake🍰,明顯應該係低糖口味~但味道都唔錯,cheesecake好食🫐~總體而言,呢個價位有呢個質素真係無敵🏆~最主要嘅生蠔