影片
更多
2025-06-21
1408 瀏覽
之前都食過其他牛站分店，旺角店就第一次食。牛站俾人感覺都乾淨企理，食物多元化，不論肉類海鮮、火鍋配料、熟食、甜品飲品樣樣齊！價錢合理！所以友人話想打邊爐，我都即時諗起牛站。今次叫咗「特上牛小排套餐」（$348/人）。湯底揀咗香濃蕃茄豬骨鍋＋胡椒豬肚鍋，蕃茄湯酸酸甜甜好醒胃，最重要唔係用蕃膏溝出個種奇怪味，係真材實料熬出蕃茄清香！胡椒豬肚鍋胡椒味好出，辣辣地幾過癮。一開始緊係食咗牛肉先，首推極上牛小排，油花分布靚，入口即化、牛味濃郁，真心唔輸高級火鍋店！另外仲有澳洲M5和牛，肉質嫩滑、有嚼勁，涮幾秒鐘就好惹味；封門柳帶點筋膜，食落煙韌又唔鞋海鮮方面，有齊象拔蚌片、花膠、鮑魚、帆立貝、海蝦，當中象拔蚌片爽脆彈牙，花膠煮完吸晒湯底精華，滑滑哋幾有口感；海蝦夠鮮甜、彈牙唔霉口！火鍋配料種類多到揀唔晒，除咗基本的蔬菜、豆腐、粉麵，仲有台式丸類如芝士丸、蟹子丸，口感豐富；田雞腿鮮嫩冇腥味，仲有平時唔多見嘅冰菜，涮完仲保持到爽脆！自助區方面都有唔少熟食選擇，例如炸雞粒小朋友大人都啱食；麻辣小龍蝦夠惹味又入味，麻中帶辣，啖啖肉，食完再打火鍋簡直一流！「牛站」旺角店水準依舊有保證，環境舒服、食物質素唔錯
之前都食過其他牛站分店，旺角店就第一次食。牛站俾人感覺都乾淨企理，食物多元化，不論肉類海鮮、火鍋配料、熟食、甜品飲品樣樣齊！價錢合理！所以友人話想打邊爐，我都即時諗起牛站。
今次叫咗「特上牛小排套餐」（$348/人）。湯底揀咗香濃蕃茄豬骨鍋＋胡椒豬肚鍋，蕃茄湯酸酸甜甜好醒胃，最重要唔係用蕃膏溝出個種奇怪味，係真材實料熬出蕃茄清香！胡椒豬肚鍋胡椒味好出，辣辣地幾過癮。
一開始緊係食咗牛肉先，首推極上牛小排，油花分布靚，入口即化、牛味濃郁，真心唔輸高級火鍋店！另外仲有澳洲M5和牛，肉質嫩滑、有嚼勁，涮幾秒鐘就好惹味；封門柳帶點筋膜，食落煙韌又唔鞋
海鮮方面，有齊象拔蚌片、花膠、鮑魚、帆立貝、海蝦，當中象拔蚌片爽脆彈牙，花膠煮完吸晒湯底精華，滑滑哋幾有口感；海蝦夠鮮甜、彈牙唔霉口！
火鍋配料種類多到揀唔晒，除咗基本的蔬菜、豆腐、粉麵，仲有台式丸類如芝士丸、蟹子丸，口感豐富；田雞腿鮮嫩冇腥味，仲有平時唔多見嘅冰菜，涮完仲保持到爽脆！
自助區方面都有唔少熟食選擇，例如炸雞粒小朋友大人都啱食；麻辣小龍蝦夠惹味又入味，麻中帶辣，啖啖肉，食完再打火鍋簡直一流！
「牛站」旺角店水準依舊有保證，環境舒服、食物質素唔錯，最啱一班朋友放題打邊爐聚餐，性價比極高，下次再訪都會放心選擇💯！
張貼
