祥仔 (K11購物藝術館)

營業中

休息中

話說呢間係花恤衫大廚Ricky開既餐廳，試試係咪名大過實先！Lunch一行三人, 款式唔多，價錢略貴...點了蒜蓉欖油意粉(無餸），脆脆豬扒飯，俄國牛肉飯，兩日兩夜羅宋湯，瑞士雞翼先黎飲個兩日兩晚羅宋湯，um....其實出面茶記個d相信都係兩日兩既或者三日四夜都唔定，所以都係咁濃郁，哈，無分加next!食主菜，其實我個意粉無配料，真係齋左d, 雖然味道唔錯，但我覺得可以加番啲餸或配料，咁性價比會高啲，客人接受度會大d..因為個欖油又靚到食落好amazing脆脆豬扒就有水準啦！咁厚既豬扒都炸到可以熟得黎唔乾，仲保番到肉汁，讚！個飯既汁其實同俄國牛肉飯汁係一樣，酸酸甜甜，牛脷唔韌正正常常。瑞士雞翼最遲黎，但唔熱既，味就糖左少少，但肉質保持唔到嫩滑所以一般啦...真心唔係難食，但咁既價錢唔會想食番翠x茶記質素，係坐得舒服d，但都係普通貨仔。