影片
更多
2007-12-04
71 瀏覽
我幫襯駒記ge一半原因同下面位食家一樣, 都係因為榮記無位, 但另一半原因係俾駒記伙記誤導, 真係豈有此理!星期日一行五人6:30上到大牌檔, 諗住食榮記, 點知一上到去就人山人海, 因為第一次上去, D枱都唔知邊檔打邊檔; 隔咗十分鐘見駒記檔口前面有張枱走咗, 於是拿拿林去霸位, 但我哋已經好醒, 問嗰個4眼阿叔伙記張枱係唔係榮記ge, 佢就好細聲咁講話"係呀係呀", 之後我哋坐低咗佢就再彈出一句"咩記都好啦, 我哋d嘢都好靚ga!"我哋就知賴嘢. 但見佢哋嗰邊都坐滿晒人, 諗住都唔會差得去邊, 於是就博一博.一打開佢哋ge餐牌, 大部份菜都同榮記差唔多(跟據其他openrice食友喺榮記食評ge介紹), 但就明顯貴d; 尤其是籠仔蟹蒸飯, 人哋賣$48, 佢賣$98.除此之外, 跟據佢哋ge menu 有3大海鮮套餐:2人餐- 可選二款海鮮及"二"款小菜$1884人餐- 可選三款海鮮及三款小菜$298仲有一款好似係8人餐, 忘記幾多碟餸同幾錢.因為我哋喺清真惠記斬咗1/4隻燒鵝, 又點咗一個籠仔蒸飯同豉汁炒蜆, 所以諗住再叫一個2人餐就ok. 2人餐我哋點咗一條清蒸石蚌, 豉油皇
星期日一行五人6:30上到大牌檔, 諗住食榮記, 點知一上到去就人山人海, 因為第一次上去, D枱都唔知邊檔打邊檔; 隔咗十分鐘見駒記檔口前面有張枱走咗, 於是拿拿林去霸位, 但我哋已經好醒, 問嗰個4眼阿叔伙記張枱係唔係榮記ge, 佢就好細聲咁講話"係呀係呀", 之後我哋坐低咗佢就再彈出一句"咩記都好啦, 我哋d嘢都好靚ga!"我哋就知賴嘢. 但見佢哋嗰邊都坐滿晒人, 諗住都唔會差得去邊, 於是就博一博.
一打開佢哋ge餐牌, 大部份菜都同榮記差唔多(跟據其他openrice食友喺榮記食評ge介紹), 但就明顯貴d; 尤其是籠仔蟹蒸飯, 人哋賣$48, 佢賣$98.
除此之外, 跟據佢哋ge menu 有3大海鮮套餐:
2人餐- 可選二款海鮮及"二"款小菜$188
4人餐- 可選三款海鮮及三款小菜$298
仲有一款好似係8人餐, 忘記幾多碟餸同幾錢.
因為我哋喺清真惠記斬咗1/4隻燒鵝, 又點咗一個籠仔蒸飯同豉汁炒蜆, 所以諗住再叫一個2人餐就ok. 2人餐我哋點咗一條清蒸石蚌, 豉油皇煎蝦, 蒜蓉粉絲蒸鮮尤同啫啫通菜煲.
先評一評食物:
1.) 籠仔蟹蒸飯- 以為佢賣貴人一倍實係好大籠啦, sorry, 4碗飯咁大把, 隻花蟹還算新鮮ge, 但飯好鹹,覺得超揾笨!
2.) 蒜蓉粉絲蒸鮮尤- 從來未食過咁難食ge蒜蓉粉絲蒸鮮尤. 粉絲一pat pat, d鮮尤用多得過份ge生粉嚟醃, 食到成口都係漿, 口都"wee"埋;
3.) 豉油皇煎蝦- 總共7隻, 但有2隻係臭ge, 同個4眼阿叔講, 佢都好好, 即刻俾2個offers我哋 －一係扣錢, 一係整過俾我哋, 我阿媽選擇咗後者(我已經無哂胃口), 隔咗半個鐘佢攞返3隻俾我哋;
4.) 啫啫通菜煲- 點咗菜將近半粒鐘佢先話無通菜, 唯有改蒜蓉菠菜, 食到口都鞋哂;
5.) 清蒸石蚌- 算係最正常, 食得落口;
6.) 豉汁炒蜆- 3催加4請, 食晒成餐飯(起碼50分鐘)先等到碟炒蜆; 超細隻兼有砂~ 意料之中!
好彩有先見之明喺惠記斬咗盒燒鵝(超正!), 如果唔係餐飯都唔知點食. 真後悔無喺惠記買多個咖哩羊腩.
菜唔掂, 上菜亂, 計數都一塌糊塗. 首先我哋因為嗌咗個豉汁炒蜆, 個4眼阿叔竟然想"則則膊"計我哋4人餐價錢($298), 之後同佢講返, 佢先好似如夢初醒咁改返, 但都係寫咗$198 (原本$188), 後來再同另一個肥仔伙計講至改返$188.
最氣頂係, 埋單時個肥仔伙計竟然話2人餐只包二款海鮮同"一"款小菜, 我話唔係喎, 餐牌明明寫住二款小菜ga 喎! 原來佢哋用箱頭筆油咗下面一劃, 但俾我哋嗰個餐牌上箱頭筆ge顏色已經甩哂, 真係口同鼻r. 佢見我哋投訴, 於是就減收咗我哋$20.
絶對無下次.
張貼