豆公館

營業中

休息中

星期六同老公到旺角豆公館食午餐。鍾意食豆類製品既人會覺得呢度係天堂，有豆腐、豆腐、豆腐花，另外仲有蛋餅、刈包、多士、炒粉麵粥、腸粉，應有盡有，而且味道都唔差，價錢亦唔貴。鹹牛肉芝士蛋餅除咗有鹹牛肉同芝士之外，仲有啲紅蘿蔔絲，口感豐富左，欣賞鹹牛肉唔會好鹹。開心果蛋餅蛋餅無論內外都充滿開心果碎，內裡更有開心果醬，同蛋餅一齊食，就會有鹹鹹甜甜嘅味道。魚肉煎豆腐味道正常發揮。蘿蔔糕 蘿蔔糕唔會粉，煎得夠脆，蘸甜醬食好食。鐵板蛋煎腸粉腸粉份量都幾多，味道都夠。老乾媽炒麵炒麵非常惹味，鹹香味十足，食落辣辣地。柴魚花生粥花生粒幾多，粥煲到夠綿，又有啲粒粒分明。紅豆沙豆腐花喺豆腐花上面加咗紅豆沙，整體唔會好甜。飲品叫左原味豆漿同黑芝麻豆漿，同樣唔會好甜。