柴夫人魚館

營業中

休息中

夜晚約咗朋友喺尖沙咀，揾到依間柴夫人魚館，見到菜單都好多選擇，所以就揀咗呢間坐低。裝修環境幾好，空間都算大，坐落都幾舒服。今次同朋友叫咗個香港味豆花海鮮鍋$398，本身個鍋已經有好多配料，有蝦、蟹、蟶子、牛丸、腸仔、菜花同土豆片，鍋嘅醬料唔會話太鹹，本身冇辣度揀，食落我諗應該係BB辣嘅level。由於本身都算多，所以我哋兩個人都冇再額外加餸，下次有機會嘅話，都想試吓加響鈴。個豆花喺另外上，店員都有介紹返豆花係佢哋自家製，就咁食都食到好濃嘅豆味，質地係屬於偏硬身嘅豆腐花，亦都可以加入海鮮鍋度食，咁就有少少辣味。另外，個小食都幾好食，薄薄嘅香蔥餅，都幾香口，脆卜卜。飲品正常，叫咗杯青檸梳打，食完辣嘢飲都幾爽。