石磨樂豆

營業中

休息中

係九龍灣返工既我由【Jollibean】圍板睇到佢裝修好，之前食過觀塘分店覺得唔錯，今次lunch就去買左D野食。Jollibean既原材料用上嚴選A級加拿大黃豆，每日石磨鮮製，而且保留新加坡傅統小食同時揉合香港地道特色風味，會根據唔同季節推出季節限定。爆餡芋泥肉鬆吐司：外層吐司烤得香脆，入面嘅芋泥綿密香甜，肉鬆鹹香惹味，兩者配搭得剛剛好，鹹甜交織，口感豐富。黑白芝麻豆花：豆花質地滑溜，入口即化，黑白芝麻嘅香氣好濃郁，加埋少少糖水，甜度適中，食落好滋潤，鍾意傳統糖水嘅朋友一定會鍾意。好立克豆乳：好有創意，將經典嘅好立克同豆乳結合，飲落去有好立克嘅麥香，又有豆乳嘅滑順口感，不過偏甜、冬天飲完覺得好暖好滿足。樽裝木瓜雪耳雪梨豆乳：呢款飲品好養生，木瓜同雪耳嘅配搭好滋潤，雪梨帶出少少清甜，豆乳令整體口感更滑，飲落好舒服，特別適合天氣乾燥嘅時候飲。可能每間分店都有D唔同、九龍灣分店既食物同飲品整體偏甜，建議叫少甜。