影片
港鐵九龍灣站 B 出口, 步行約13分鐘
繼續閱讀
營業時間
今日營業
07:30 - 22:00
星期一至六
07:30 - 22:00
星期日
09:00 - 22:00
公眾假期
09:00 - 22:00
以上資料只供參考, 請與餐廳確認詳情
今朝經過見開咗門，lunch time同同事黎佢先😋聽講係星期六開門嘅，今日係試業第三日，排隊嘅人頗多，店員都有啲手忙腳亂，落單到出餐大概用咗15分鐘左右。有驚喜嘅係外賣用保溫袋，但問題係我入面有凍飲同熱食，擺埋一齊係保溫定保凍呢🤔⭐麻辣雞肉吐司買完行到返公司都仲熱，吐司係用三文治機夾出嚟，外面烘得香脆，入面餡料亦多，叫了呢個麻辣雞肉味，雞肉係免治雞肉，爆漿唔鞋口，但係麻辣味唔突出，當佢普通雞肉吐司食都ok嘅。⭐芋泥西米露自己再加多咗碗芋泥西米露，食落有椰汁味，將芋泥同西米露拌均一齊食都幾香甜，有芋頭香又有椰汁香啦。不過個人而言，都係鍾意傳統有一粒粒芋頭嘅西米露多啲🤣抵讚係呢個芋泥西米露只係微甜，食完都冇乜罪惡感。⭐芋泥豆乳沙冰同事揀左午餐餐牌上嘅幾款吐司，但都賣曬，果斷放棄淨係要咗杯沙冰試下，但係沙冰口味都係賣得七七八八，最後要咗同款嘅芋泥豆乳沙冰。芋泥下得很多，豆乳香滑，基本上無糖，同事話豆乳飲唔到甜味，芋泥就有少少甜。建議盡快飲完，由於係紙杯同紙杯蓋，放枱面放左一陣已經軟皮皮，加上係沙冰，啲冰溶咗會變得好淡😂店員都有提醒最好兩個鐘頭之內飲完㗎。新店開張未能盡善盡美，不過有新品牌進駐香港都係一件好事，可以畀多幾次機會佢，試下其他口味嘅熱食、糖水同埋飲品呀😘
繼續閱讀
星加坡過江龍豆品店，主打豆乳、豆花及甜品亦有吐司食，鹹蛋黃碎蛋吐司就係其中一款🤤間中推出季節/期間限定款，幾有新鮮感踏入冬天，就有3款暖笠笠嘅熱飲，包括☕️好立克豆乳 ☕️即磨咖啡豆乳 及☕️9 °微甜濃豆乳，啱晒秋冬🎈爆餡芋泥肉鬆吐司新鮮製作熱辣辣熱壓吐司夾住爆餡肉鬆同芋泥超吸引食到最尾都仲食到餡料確係滿足芋泥整得好綿滑，現上鹹香肉鬆，鹹甜交集熱壓吐司煙韌微脆🍞口感豐富🎈椰乳仙草西米露勁足料嘅甜品，椰乳base味道香濃裡面放滿粒粒西米同仙草，仙草嘅清香剛好中和椰乳嘅甜度整體甜度啱啱好，而且意外地好飽肚🎈樽裝木瓜雪耳雪梨豆乳好滋潤嘅飲品，將木瓜雪耳加入豆乳味道清甜好似食緊糖水咁豆乳口感好滑，凍飲熱飲都咁正，飲完好有飽肚感🎈咖啡豆乳咖啡控會鍾意嘅一款，咖啡係即磨㗎特別香濃可以揀無糖，加上豆香，配搭頗有新鮮感
繼續閱讀
鍾意食豆花、飲豆乳一定要試吓呢間, 款式選擇有好多！新加坡🇸🇬過江龍豆乳品牌, 本地自設5,000呎廠房, 購入台灣全自動化磨豆機, 原材料用上嚴選A級加拿大黃豆, 每日石磨鮮製！✔️不定期推出季節/期間限定款式, 今期就有鹹蛋黃碎蛋吐司🥪！冬天亦有3款熱飲供應, 包括：好立克豆乳、即磨咖啡豆乳、9 °微甜濃豆乳, 暖笠笠, 啱晒而家呢個天氣下飲用！🥪鹹蛋黃碎蛋吐司*季節限定*將新加坡傳統小食揉合香港地道特色風味！烘過嘅吐司夾滿鹹蛋黃同碎蛋, 下午茶食份量啱啱好！🤍薑汁豆腐花(熱)店員建議揀熱食, 豆腐花更香滑！豆花口感滑溜, 豆香味突出, 帶有薑汁香氣, 唔會太甜。佢哋亦會提供一包糖漿, 可以自行調整甜度🥤日式紅豆豆乳紅豆份量非常足🫘！紅豆香甜綿密, 豆味濃郁, 搭配豆乳, 個味好 match～🥤紅棗桂圓豆乳係秋冬滋潤養生嘅飲品！紅棗桂圓已混合豆乳, 豆乳香濃幼滑, 兩個味道都飲得出, 估唔到紅棗桂圓同豆乳都幾夾！🥤黑白芝麻豆乳黑芝麻味好濃厚, 又有豆乳香, 質感順滑, 好似飲緊芝麻糊咁🖤
繼續閱讀
買咗個沙嗲牛肉吐司嚟做早餐，大家真係完全唔使試，$39 咁細塊之餘，啲牛肉完全係肉碎咁滯，完全唔掂，$39可以食得更好囉，又冇得坐。依種吐司勁似喺泰國便利店食嗰種，完全唔似係一間餐廳做出嚟嘅質素，好失望，俾錢買難受！佢將一塊吐司cut開一半，然後用個盒裝住，如一間外賣店嚟講，都幾唔方便去食，最尾都係要用手撩出嚟食，用咁多次去整個包裝，不如用心少少整嘢食啦。最後份量嚟講係完全唔夠飽，九龍灣有更多選擇去食，唔會再有下次啦！
繼續閱讀
行過間鋪頭，俾佢門口張海報吸引住，色彩搭配好靚。草莓豆乳。一打開，陣陣香甜撲鼻而來，草莓嘅果香夾雜住豆乳嘅清香，天然又誘人，完全冇嗰種假假嘅香精味。試飲一啖，初初入口，配上恰到好处士多啤梨的酸甜滋味同豆乳嘅醇厚完美交融，口感順滑到不得了，每一口都 feel 到豆乳嘅真材實料。不過個人覺得甜咗啲，下次試試芋泥口味。鋪頭吐司，豆花款都好吸引，下次經過會再買
繼續閱讀