牡蠣小屋

營業中

休息中

牡蠣小屋都係一間專門食日本蠔既餐廳，地方環境幾好，什至有室外座位。店員非常有禮，menu主打推介牡蠣鍋。日本生牡蠣山蓉鍋，湯底為昆布湯底再加入新鮮日本時蔬，當然再放上時令既山蓉，質感黏糯帶清香！再放新鮮牡蠣再煮，蠔肉飽滿多汁夠新鮮，再有黏黏山蓉包住，質感更為突出！熱辣辣爆汁牡蠣好滋味又暖胃。好正！鐵盒燒生蠔加拉克萊特芝士，店員將生蠔放入鐵盒再煮，之後要加芝士，質感更香更creamy!!芝士香而不膩，蠔肉熟左都keep到大隻。免治醬汁雞肉，質感夠緊緻，外層燒到金黃焦香，內層有雞軟骨既口感，食起黎爽口爽脆又夠香！蛋汁夠香又滑，不得了咁正。南蠻雞，炸得香脆，雞肉好 juicy, 味道幾好唔過咸，topping既蛋黃他他醬幾香，中和過多肉既膩！食到停不了。