讚好台灣

營業中

休息中

平日晚上同同朋友一齊約食飯，朋友話想食台灣野，我地喺附近搵左間台灣野 讚好台灣，8點幾都有唔少食客。我地兩個人叫左個麵同小食share。肉燥三寶乾拌麵三寶係台灣腸，貢丸同花枝丸配上青瓜絲 麻醬，份量都幾大份麻醬味道香，掛到麵。清新香脆青瓜絲加落拌麵更有口感，麵質煙韌。台灣腸用料實在，外皮香脆，滿滿肉饀，仲好juicy,啖啖夜市味道。貢丸彈牙，咬落有啖啖香菇味。花枝丸有咬口，味道都唔錯。小食試左台灣經典 甘梅脆薯金黃炸蕃薯同梅子粉真係好夾，酸酸甜甜，好開胃，外皮好香脆，綿密嘅蕃薯好清甜。飲品叫左杯 凍珍珠奶茶 走甜少冰茶底味香濃，奶茶質感幼滑，珍珠都好有咬口。餐廳坐得舒服，店員有禮，食物都幾好食，值得再訪。