讚好台灣

營業中

休息中

最近去咗間主打台灣菜嘅小店，價錢親民，味道唔錯，份量又夠，真心抵食！紅燒牛筋新竹米粉、牛筋燉得好腍，紅燒湯底濃郁但唔會太鹹，新竹米粉吸晒湯汁，食落口感爽口。而肉燥香酥排骨湯麵，揀咗蕃茄湯底。湯底係酸酸甜甜。香酥排骨炸得外脆內嫩，配埋肉燥湯麵唔錯。鹽酥雞係台灣嘅必食小食，呢度炸得好香口，唔會過油，雞肉嫩滑。肉燥青菜，肉燥鹹香惹味，拌埋一齊食好夠味，算係一個幾健康嘅選擇。 熱蜂蜜檸檬味道唔錯，甜酸比例剛剛好，適合天氣凍嘅時候暖住個胃。冰百香果綠茶就茶底清香，百香果味濃郁又有少少酸，飲完好解渴。呢間台灣菜餐廳真係抵食性價比超高。

每次黎紅磡基本上都會黎呢到食台灣嘢最愛佢地個口水拌麵豐盛牛肉拌麵(口水）真係好豐盛 包括有 金錢牛腱、牛腩、牛筋、花枝丸、貢丸牛腩炆得入味又軟淋，仲有唔少酸菜拌麵食一流麵質亦很彈牙，配上辣汁一起吃，麻麻辣辣咁，更加惹味！香酥排骨乾拌麵(口水）朋友最愛佢地個香酥排骨香酥排骨外皮夠薄，五香粉味濃滷味拼盤有大腸，滷豆腐，滷蛋醃得幾入味，值得試下木魚豆腐（小）豆腐炸得勁香口，加少許青瓜絲同醬汁幾乎係我每次黎必叫冰蜂蜜綠茶好有台灣味，蜂蜜味好香甜冰胚芽奶茶朋友話胚芽好有咬口，好滿足

呢到係以前讀書飯堂! 好耐都冇食啦，今次久違黎到，仲係熟悉既味道~ 呢到既staff仍舊好親切! 滷肉鹽酥雞飯鹽酥雞炸得好香脆，而且份量好多。滷肉淋係飯上面，滷肉肥瘦均勻，特別香軟，送飯一流。而且配菜一D都唔馬虎，有菜脯同埋黃金泡菜!肉燥排骨乾拌面乾拌面好好食，份量又足，面條彈牙，撈埋肉燥好惹味。香酥排骨大大塊，外皮酥脆，調味岩岩好，唔會過咸。夜市小香腸每次黎到都必點，切片既台灣腸好食! 肉質方面肥瘦適中，口感嫩滑，有台式辛香料風味，每次都清碟。西門町滷味拼盤呢個小食第一次叫，有豬腸, 滷豆腐同埋滷蛋，全部都好入味。特別係滷豆腐有驚喜，個汁好好食。蜂蜜香柚茶冬天飲杯暖笠笠既台式飲品好滿足。

平時見好多人排隊，今日等咗陣終於入到去。本身以為煩忙時段服務差啲、但餐廳都幾係咁㗎。見有客走左空左張闊落啲嘅枱，仲特登幫我哋調枱🥹 繁忙時段仲有咁嘅服務態度，真係溫馨，少少欣賞，讚好一下食物質素都幾好。我食咗個紅燒牛肉乾拌麵，有唔少嘅青瓜🥒絲，撈埋一齊食，口感爽啲，感覺健康啲。紅燒牛肉有三舊，口感都幾腍，咁啱我朋友叫咗蕃茄湯底配新竹米粉，可以浸返啲紅燒牛肉，咁就可以有蕃茄味入口，正👍🏻偷食咗朋友幾啖新竹米粉，覺得都幾地道，同睇台灣旅行食嘅時候感覺都差。蕃茄味係少少酸果種，應該幾開胃。另外呢度有賣酸梅粉配甘薯條，之前喺台灣士林夜市食過，呢度再食返。但餐廳用比較粗切嘅甘薯條，外脆內軟。

今晚和老婆在黃埔站附近的讚好台灣餐廳用餐，這家餐廳以提供台灣特色的麵線和小食而聞名。餐廳的環境非常乾淨美觀，職員的服務態度也相當不錯，讓我們感到賓至如歸。我們點了幾道美味的菜品，首先是老婆的選擇——蕃茄湯豐盛牛肉米粉，這道菜包含了金錢牛腱、牛腩、牛筋、花枝丸和貢丸，湯頭鮮美，牛肉的口感也非常嫩滑。接著，我點了豐盛牛乾拌麵，裡面同樣有金錢牛腱、牛腩、牛筋、花枝丸和貢丸，麵條彈牙，搭配濃郁的醬汁，讓人一口接一口。❤️❤️❤️❤️飲品方面，老婆選擇了古早味冬瓜茶，清甜可口，十分解渴；而我則點了冰珍珠奶茶，珍珠Q彈，奶茶香濃，讓人回味無窮。此外，我們還點了兩個小食盤，分別是路邊攤拼盤和滷味拼盤。路邊攤拼盤包含了鹽酥雞、小香腸和花之丸，口感多樣，十分美味；滷味拼盤則有滷味大腸、滷味豆腐和滷味蛋，滷汁入味，讓人一試成主顧。✨✨✨✨✨✨整體而言，這次的用餐體驗非常愉快，無論是食物的味道還是服務的質量都讓我們感到滿意，值得推薦給喜愛台灣美食的朋友們。😎👍

尋日去開紅磡，路過見到依間餐廳，寫住話讚好台灣，又話係源自台灣，所以，便抱着試一試的心態入內，要了幾個平常不過的菜式。個人覺得，個皮蛋豆腐超正，冰冷的豆腐上面有皮蛋、肉鬆及木魚，感覺好食！個拌麵啲肉好腍，冇諗過蘿蔔都可以咁入味，不過，我個人對於個面的質地就一般，但係啲肉真係好正！鹽酥雞滷肉飯沒有太驚喜，正正常常的狀態，鹽酥雞沒有太乾，亦不太油，滷肉飯如果能夠多一點滷肉的話，會更好。不過，都係傳統嘅食物，沒有太大驚喜可能正常。不過，反而杯珍珠奶茶不錯！😋

讚好台灣都算係紅磡台灣菜的老字號，屹立此區多年人氣依舊不減，是晚就黎食碗台灣麵😆先寫紙落單，五分鐘內已上菜，十分高效率。⭐肉燥鹽酥雞乾拌麵點了乾拌麵加口水汁，天氣涼嘛特別想吃辣😆麵條嚼勁十足，沾滿醬汁好香好好食呀。鹽酥雞炸得香脆，一口一顆剛剛好。⭐夜市小香腸仲點左份小食台灣腸，甜甜地又皮脆肉香👍再食點青瓜絲正好去膩。⭐蜂蜜檸檬再來杯檸蜜潤下喉，甜甜酸酸啱口味。食飽飽好滿足，不愧係人氣店，食物好食又大份，抵！

平時經過成日見到好多人排隊去到夜晚八點嘅時候先叫小人啲唔使排隊小食叫咗路邊攤小拼盤鹽酥雞 小香腸 花枝丸 鹽酥雞香脆 花枝丸彈牙😍呢個拼盤幾好呀 樣樣都少少可以食唔同種類西門町滷味拼盤大腸 滷豆腐 滷蛋 大腸完全冇臭味 濃郁滷水味 豆腐好滑👍🏻鹽酥雞飯飯係台灣地形 有心思 滷肉唔會係好多肥膏 欣賞😋口水香辣排骨乾拌麵望到餐牌已經好想食 嚟到之後一試愛上♥️抗拒唔到麻醬 max 口水醬 正呀麵質好彈牙 排骨酥脆每次去台灣一定要飲珍珠奶茶食飯梗係唔少得要飲返一杯啦奶茶香濃 珍珠煙靭 我揀咗無糖 罪惡感小d😂朋友鍾意飲芋香奶茶 芋頭味好香😎😎😎

一口台灣味一份人情味🥰主打台灣麵，牛肉麵，鹵肉飯和雞肉飯🍛都是一些到台灣必吃的菜式🥢先試推介的滷肉香酥排骨飯🥘配上了珍珠奶茶🧋炸出來的外皮也很薄，排骨灑滿我最愛的五香粉🧂滷肉充滿油香，口感鬆軟，肉味香濃😋排骨配上湯麵也不錯😃綿綿的麵條軟硬適中，非常彈牙，掛湯一流😙牛腩麵的蕃茄湯底濃厚而不油膩🍜酸酸甜甜非常開胃🍅牛腩肉質嫩滑，很有牛味🐮鹽酥雞炸得金黃，熱辣辣🔥口感酥脆，也有大量五香粉，非常惹味😍牛肚滿滿的椒香帶點微辣🌶️吃落Q彈爽口，色香味俱全😊

紅磡一向美食多羅羅，今次黎左呢間食台灣菜好出名嘅小店牛肉乾拌麵 (口水)牛肉質感淋甜, 麵質亦很彈牙, 配上辣汁(口水)一起吃, 刺激味蕾, 更加惹味!豐盛牛肉麵 (蕃茄湯)有金錢牛腱, 牛腩, 牛筋, 花枝丸, 貢丸每樣食材都挺新鮮, 尤其是牛腩, 肉汁juicy, 牛肉味濃郁, 唔會有肥膏~蕃茄湯底也非常濃郁, 每條麵都掛上蕃茄汁, 非常健康養生!路邊攤拼盤有鹽酥雞, 小香腸, 花枝丸聯酥雞口感酥脆, 雞肉挺嫩小香腸烤成皮脆肉嫩花枝丸也很彈牙滷味拼盤有大腸, 滷豆腐, 滷蛋大腸處理得很好, 不會有任何異味~2款滷味醃製得挺入味~熱胚芽奶茶胚芽份量非常充足, 奶茶也很香滑, 茶膽味香濃洛神花茶酸味剛剛好,  前面吃得比較多肉, 喝一口洛神花茶有解膩作用~

住係紅黃土既街坊一定唔會唔識呢間讚好台灣, 開左咁多年仲係咁多人食, 因為水準真係唔錯, 又抵食!HAPPY FRIDAY 懶得煮飯又去到呢到食台灣野, 因為有麵有飯, 呢到個拌麵好好食, 可以揀口水汁/麻醬撈, 麵係用上幼麵, 不過質地滑得黎好彈牙, 又索汁, 口水汁既麻香味好重, 但又唔會太辣, 配菜可以揀鹽酥雞/排骨/牛肉等等, 我揀既鹽酥雞都炸得好香口, 唔會乾, 有大約8-10粒, SHARE就好好!!另1份我地叫左飯, 紅燒牛肉飯, 呢個會跟埋3款配菜, 份量都幾多, 牛肉就係牛肉麵果D牛肉, 所以炆得好淋好入味~另外我地叫左個菜同埋滷味拼盤, 滷味有3款, 有豬腸, 豆腐同埋滷蛋, 我最鐘意食豬腸, 好淋好入味, 又唔會太肥!飲品我地叫左珍珠奶茶同埋蜂蜜檸檬, 少甜都好好飲, 滿足又抵食! 

今日去咗黃埔探朋友，朋友說附近有一間好食的台灣菜，必推牛三寶（牛腱、牛腩及牛筋）。見朋友覺得咁正，去到有依三款牛做送嘅麵食。但係，我又好心思思想食佢嘅滷肉飯，所以朋友就建議不如嗌一個拌麵，一個滷肉飯，然後可以俾我試晒兩種嘅味道，真心知道我想要乜（乜都想試吓），呢啲係真正嘅朋友。🤪最先上菜的是小吃，個人覺得$45有齊三款想食嘅嘢係一種極大滿足，同埋都好抵😆 個皮蛋豆腐仲要係好好食，因為夠多木魚及肉鬆，豆腐亦夠凍。不過，最好食的還是牛三寶，超級「淋」，夠「厚」有口感，又入味，連個蘿蔔都好食，真的沒有介紹錯！其他的則和平時的說差不多，不過，呢度嘅低糖豆漿都好好味，不知道能否在超級市場買到呢？

今日嚟到黃埔 經過呢間 讚好台灣 本身都鍾意食台灣菜嘅我哋 就決定入去試一試😬 睇睇餐牌 啲嘢食有埋相真係好吸引🤩睇咗一陣終於諗好嗌咩食啦😌 用呢張點菜紙自己落單 好方便😗 珍珠奶茶食台灣嘢必飲珍珠奶茶😬 珍珠煙韌有咬口 煮得啱啱好 唔會好甜👍🏻 奶茶叫咗走甜 配埋微糖珍珠 配合得啱啱好😌 小麥胚芽奶茶呢一杯都揀咗走甜 知道小麥胚芽對健康有益 見到其他枱都有人嗌呢杯 所以就想試吓😆 小麥胚芽好似細粒粒麥皮咁 細細粒食落口咬兩下 都幾特別😇 麻辣豐盛牛肉湯麵呢個湯麵一上枱已經好香！餸菜真係好豐盛 包括有 金錢牛腱、牛腩、牛筋、花枝丸、貢丸 全部牛都炆得好淋軟入味 麵條係粗麵 湯底非常濃郁 麻辣更加係越食越過癮😆 仲有兩嚿蘿蔔 吸晒啲湯汁 好好味🥹 滷肉香酥排骨飯好大塊排骨😍 食落味道啱啱好 望望吓覺得點解個飯有個形狀 原來係台灣形狀 真係好有心思😇仲有滷蛋同埋蔬菜 滷肉半肥瘦 唔會太鹹 米飯粒粒有咬口 配埋一齊食好好味😋 路邊攤小拼盤貪心的小孩咩都想試啲 呢個小拼盤包括有鹽酥雞、小香腸、花枝丸 特別推介小香腸 真係台灣嘅味道😗 甘梅脆薯真係啱啱新鮮熱辣整起😍 外脆內軟 粉皮唔會過厚 入

行過呢間餐廳門口，見職員好熱情細心介紹，幾好笑容，咁啱同屋企人又想食台灣野，於是就入去試吓。紅燒牛肉麵 $63個湯底幾夠香濃，飲落仲帶點微辣，麵的口感都幾煙韌，牛肉好入味，特別係牛筋，真係炆得好淋。滷肉鹽酥雞飯 $52份量好多，除咗鹽酥雞同滷肉飯外，仲有半隻滷水蛋、滷水花生菜、菜酺、青菜，鹽酥雞炸到好酥脆香口，入面仲keep到juicy。酥炸花枝丸 $32有四大粒，面頭有少少椒鹽，入面食得出有啲花枝粒，幾爽口彈牙。夜市小香腸 $32個份量幾多，擺碟做得幾好，中間有好多青瓜絲做伴碟。冰香濃朱古力 (跟餐加$12)大大杯，朱古力味幾夠。熱蜂蜜柚子茶 (跟餐加$12)冬天飲呢個真係覺得好暖胃，又滋潤🥰呢度啲嘢食又幾抵食wo👍👍

去完大酒店近近地搵啲嘢食下，見到呢一間食台灣嘢又靚靚地就入去食！食物質素都唔算差算係好食，不過啲店員服務態度就好差，9:10左右入座，9:13嗌嘢食，店員從來無講9:30截單，10:00閂門！中間有新食客9:20到，9:24已經係咁催人落單，最後新食客被趕到隔離舖用餐！門口同埋Openrice都係標示10:30閂門，但店員話10:00閂門，9:40已催促我地走，最後我地9:47離開，離開時見到店員黑哂面咀妙妙，其實如果唔想做生意，我地入門口講明就可以，我地去第二間食！態度咁差啲嘢幾好食都唔會想再幫襯！