NINETYs (皇后大道東) (已結業)

灣仔區各式各樣餐廳林立，要突圍而出真係少啲心思同質素都唔得！NINETYs一開業就火速爆紅，好多人慕名而來！除咗咖啡出名之外，主食亦落足心思，採取咗中西合璧，絕對為客人帶嚟意想不到嘅驚喜！值得大家去chill番吓！提提大家Lunch Time時段不設訂位，12:00左右已經出現人龍，想嚟食嘅朋友真係要早啲到呀！Piggy Piggy係非一般burger，用咗慢煮5個鐘嘅厚切西班牙黑毛豬叉燒，叉燒好juicy，肥瘦適中，帶有少少肥膏，令肉質更腍更香口。再加上burger入面有新鮮健康嘅紅菜頭、青蘋果同羽衣甘藍，令整體變得無咁油膩，呢個配搭真係好fresh！另一個推介係：Wagyu Wagyu用慢煮12個鐘嘅和牛面頰肉，保持肉質嫩滑香口唔韌，而且肉味濃郁！漢堡包好香牛油味，軟熟得嚟又夠脆口，真係好好味！飲品方面叫咗杯Hot Mocha，咖啡底可以揀Fruity or Choco。口感好滑，甜度適中。