影片
更多
2022-08-28
554 瀏覽
同事升職請食飯話食私房菜，間嘢位置喺工廈裡面，喺地鐵站行到去覺得棟樓好舊，搭lift上到去一出lift聞到油溢味，已經驚驚地，入到去裝修好破舊，好暗，仲有幾塊唔知幾多年無洗嘅窗簾做裝飾….食物好普通，都係其他食評會見到嗰啲，但賣相唔一樣的，我個人覺得只有炸蝦球沙律，蒸蟶子同上湯菜係正常標準，其他炸芋頭卷，炒飯，羊肚菌花膠菜，蒸班頭腩，八寶鴨，士多啤梨骨都好差。炸芋頭卷好咸鮑魚火腿炒飯都好咸，可能落好多醬炒炒得好濕羊肚菌花膠菜，啲花膠大概2塊指甲叠起咁薄但都炆得唔夠”林”，平時屋企飲湯啲花膠仲厚又好食過佢….可能我自己諗多咗…因為其他食評全部都讚食物質素天上有地下無。蒸班頭腩，唔知乜魚，但魚肉梅梅哋。八寶鴨，聽聞係手工菜嚟… 我食到糯米，栗子，薏米喺鴨裡面，其他8寶唔知係乜食唔到…士多啤梨骨，無食，放上枱聞到好甜嘅士多啤梨醬味。總結係食物真係好普通，但環境衞生感覺好差，我見fb標價大概$380一位，其實正正經經搵間酒家食仲好啦，起碼都知道有攞正牌，就算去大牌檔都仲好過，起碼都係預咗環境服務係點，接受到先去…我覺得我同事係只睇咗食評就訂呢間嘢嘅，所以覺得佢都幾慘，錢就俾咗，但效果就好強差人
食物好普通，都係其他食評會見到嗰啲，但賣相唔一樣的，我個人覺得只有炸蝦球沙律，蒸蟶子同上湯菜係正常標準，其他炸芋頭卷，炒飯，羊肚菌花膠菜，蒸班頭腩，八寶鴨，士多啤梨骨都好差。
炸芋頭卷好咸
鮑魚火腿炒飯都好咸，可能落好多醬炒炒得好濕
羊肚菌花膠菜，啲花膠大概2塊指甲叠起咁薄但都炆得唔夠”林”，平時屋企飲湯啲花膠仲厚又好食過佢….可能我自己諗多咗…因為其他食評全部都讚食物質素天上有地下無。
蒸班頭腩，唔知乜魚，但魚肉梅梅哋。
八寶鴨，聽聞係手工菜嚟… 我食到糯米，栗子，薏米喺鴨裡面，其他8寶唔知係乜食唔到…
士多啤梨骨，無食，放上枱聞到好甜嘅士多啤梨醬味。
總結係食物真係好普通，但環境衞生感覺好差，我見fb標價大概$380一位，其實正正經經搵間酒家食仲好啦，起碼都知道有攞正牌，就算去大牌檔都仲好過，起碼都係預咗環境服務係點，接受到先去…
我覺得我同事係只睇咗食評就訂呢間嘢嘅，所以覺得佢都幾慘，錢就俾咗，但效果就好強差人意。
建議想請客搞晏會嘅人親身上去睇吓環街先，唔好信晒食評。。。
食完走人出去搭lift出面放咗好大嘅垃圾桶，好大浸垃圾味… 我只可以講，如果有得揀我一定唔會嚟…
平時出去食飯好食我都唔會寫食評，但哩間。。。我真係希望唔好有其他人再因為信錯正評而中伏，我真心覺得個請客嘅同事慘，俾佢請嘅我哋要去啲咁嘅地方食啲咁嘅嘢仲要交戲都好慘
如果環境衞生可以俾0星我會俾0。
同埋我明白點解俾嘅食評都無相，因為真係見到環境同食物賣相咁差都唔想影相，嗰度燈光好怪，如果唔係特登打燈根本影唔到比較好嘅相，可以諗吓點解其他大部份評價啲相點解咁靚。
張貼