影片
更多
2025-01-07
154 瀏覽
有次去完愛定商場整牙，見到小胖台灣麵，諗住試吓啦～ 點知變咗回頭客 😋 三寶牛肉麵 ($98) 呢碗牛腩、牛筋、牛肚三寶麵，牛腩大大嚿，肥瘦適中，煮到入晒味。牛筋滑得嚟有啲彈性，至於牛肚就大大嚿，完全唔係「手指尾」Size 嗰啲嘅牛肚 🤭 湯底幾香濃，真係有啲似台灣地道牛肉麵～ 半筋半肉紅燒牛肉麵 ($78) 呢碗同三寶麵個樣有啲似，但牛肉就燉到有啲入口即溶，仲有啲筋位。另一重點係碗麵真係大到「食極都仲有」，夜晚食完，飽到第二朝早餐都可以 Skip 😂 本來今次嚟係想 Encore 牛肉麵，點知餐牌新加咗自選湯麵系列，湯底加配菜任揀，新嘢樣樣都想試 ！自選湯底 濃純香牛骨湯底 ($42)：有紅蘿蔔提味，食落暖胃又舒服 🫶🏻 米香椒麻酸辣湯底 ($42)：呢個湯底店員極力推介，佢哋話平時開飯都會揀佢！酸辣夠惹味，但唔會好辣又開胃！配菜推薦 鹽酥雞 (+$16)：炸得香口唔會過油，鹹香味啱啱好！海鮮蝦油條 (+$10)：外層炸得香脆，入面係蝦滑，#好食 🤤 麻辣台灣鴨血 (+$8)：嫩滑夾起唔會散開，同台灣食到嘅一樣口感同味道 👍🏻 另外我哋仲試咗其他配菜，例如手切封門柳 (+$12)、台
三寶牛肉麵
$98
0 瀏覽
0 讚好
0 留言
三寶牛肉麵 ($98) 呢碗牛腩、牛筋、牛肚三寶麵，牛腩大大嚿，肥瘦適中，煮到入晒味。牛筋滑得嚟有啲彈性，至於牛肚就大大嚿，完全唔係「手指尾」Size 嗰啲嘅牛肚 🤭 湯底幾香濃，真係有啲似台灣地道牛肉麵～
半筋半肉紅燒牛肉麵 ($78) 呢碗同三寶麵個樣有啲似，但牛肉就燉到有啲入口即溶，仲有啲筋位。另一重點係碗麵真係大到「食極都仲有」，夜晚食完，飽到第二朝早餐都可以 Skip 😂
本來今次嚟係想 Encore 牛肉麵，點知餐牌新加咗自選湯麵系列，湯底加配菜任揀，新嘢樣樣都想試 ！自選湯底
濃純香牛骨湯底 ($42)：有紅蘿蔔提味，食落暖胃又舒服 🫶🏻
米香椒麻酸辣湯底 ($42)：呢個湯底店員極力推介，佢哋話平時開飯都會揀佢！酸辣夠惹味，但唔會好辣又開胃！
配菜推薦
鹽酥雞
0 瀏覽
0 讚好
0 留言
海鮮蝦油條
3 瀏覽
0 讚好
0 留言
麻辣台灣鴨血
6 瀏覽
0 讚好
0 留言
另外我哋仲試咗其他配菜，例如手切封門柳 (+$12)、台南蚵仔肉卷 (+$10)、台灣滷肉 (+$10)、魷魚焿 ( +$8)、台灣水蓮 ($8)、韭菜餃子 (+$6) 同瓜仔餃子 (+$6)，基本上想試嘅都一次過試晒！
上次飲過珍珠奶茶，今次就叫咗酸梅汁 (+$12) 同金橘檸檬 (+$12)，兩款都酸酸甜甜，清新解膩！
題外話/補充資料：
呢度仲有會員制，食得多可以儲分換嘢，仲有迎新優惠、折扣券，甚至可以用預付卡增值有回贈！
(以上食評乃用戶個人意見 , 並不代表OpenRice之觀點。)
張貼
