影片
更多
2025-01-31
0 瀏覽
我平時講真都唔用OpenRice reivew，淨係CD rom睇吓有乜嘢餐廳好食嘅姐，但係依間嘢態度實在差到我要開個account嚟講發生咩事。店員服務差到貼地，旁若無人跳舞都算，叫佢過嚟都叫咗三四次，態度差到嘔，講清楚要飲乜嘢不斷重複，佢都可以全部講錯晒，仲要話你做咩唔除耳機。我帶咗耳機都得清楚過你呀，而且邊個一定係攞嚟聽歌，而家大把人攞嚟聽清楚啲，而且你自己唔帶耳機都聽唔清楚，仲要惡人先告狀，係咪新年嫌錢腥？買晒隔離咁多檔，全部都聽得我好清楚喎，包括啲都好明顯上咗年紀嘅人。你咁大條道理做錯晒成個order，咁到底係應該叫你去檢查吓自己聽力，定係唔好睇咁多抖音專心做好你本分呢？都仲未飲已經覺得勁勞氣，一攞出嚟睇，你少唔少冰原來係完全冇分別嘅，飲兩啖就已經飲完，我覺得你仲喺度存在嘅原因係因為隔離未有檸檬茶店開囉。最重要係，新年流流唔想同你拗啦，你仲要特登做晒手勢喺度笑人，大佬，首先啱你啲order你跟住先至去笑人啦。啲紙盒擺晒喺地下阻街又唔擺好佢，結果要打去大廈管理處叫佢哋執返好啲嘢。隔離唔係冇紙盒㗎，但人哋起碼搭好佢呀嘛，你啲紙盒擺晒出嚟公眾地方，咁多人周圍買嘢食，係咪一定要就住你
店員服務差到貼地，旁若無人跳舞都算，叫佢過嚟都叫咗三四次，態度差到嘔，講清楚要飲乜嘢不斷重複，佢都可以全部講錯晒，仲要話你做咩唔除耳機。我帶咗耳機都得清楚過你呀，而且邊個一定係攞嚟聽歌，而家大把人攞嚟聽清楚啲，而且你自己唔帶耳機都聽唔清楚，仲要惡人先告狀，係咪新年嫌錢腥？
買晒隔離咁多檔，全部都聽得我好清楚喎，包括啲都好明顯上咗年紀嘅人。你咁大條道理做錯晒成個order，咁到底係應該叫你去檢查吓自己聽力，定係唔好睇咁多抖音專心做好你本分呢？都仲未飲已經覺得勁勞氣，一攞出嚟睇，你少唔少冰原來係完全冇分別嘅，飲兩啖就已經飲完，我覺得你仲喺度存在嘅原因係因為隔離未有檸檬茶店開囉。
最重要係，新年流流唔想同你拗啦，你仲要特登做晒手勢喺度笑人，大佬，首先啱你啲order你跟住先至去笑人啦。啲紙盒擺晒喺地下阻街又唔擺好佢，結果要打去大廈管理處叫佢哋執返好啲嘢。隔離唔係冇紙盒㗎，但人哋起碼搭好佢呀嘛，你啲紙盒擺晒出嚟公眾地方，咁多人周圍買嘢食，係咪一定要就住你呀？
你咁鍾意咪一齊睇抖音跳抖音舞啦，做茶飲店最基本就係整嘢飲，呢樣嘢你都未做好，就唔好問點解你唔止一間店都係咁多負評囉。
張貼