香香檸茶有限公司

營業中

休息中

試試大圍超平$10/底雞蛋仔 到底伏唔伏？👎🏻整體比較薄身 唔夠厚實🤦🏻‍♀️邊邊位小小脆 一拎出嚟已經碎咗🤔但第二邊又太軟 好似毛巾咁🤣可以話一底雞蛋仔 有多種口感10蚊黎講 都冇咩好投訴‼️你地又有冇試過呢？.#hkfunfoodrecord窮遊香港#hkfunfoodrecord_大圍.#香香檸茶有限公司 (大圍)地址：大圍村南道35號富嘉花園地舖.#hkfoodie #foodiehk #hkfoodblogger #hkblogger #hkfoodies #hongkongfood #食評 #火炭美食 #火炭必食 #火炭 #沙田 #大圍 #沙田美食 #沙田必食 #大圍美食 #大圍必食 #小食 #掃街 #格仔餅 #雞蛋仔

我平時講真都唔用OpenRice reivew，淨係CD rom睇吓有乜嘢餐廳好食嘅姐，但係依間嘢態度實在差到我要開個account嚟講發生咩事。店員服務差到貼地，旁若無人跳舞都算，叫佢過嚟都叫咗三四次，態度差到嘔，講清楚要飲乜嘢不斷重複，佢都可以全部講錯晒，仲要話你做咩唔除耳機。我帶咗耳機都得清楚過你呀，而且邊個一定係攞嚟聽歌，而家大把人攞嚟聽清楚啲，而且你自己唔帶耳機都聽唔清楚，仲要惡人先告狀，係咪新年嫌錢腥？買晒隔離咁多檔，全部都聽得我好清楚喎，包括啲都好明顯上咗年紀嘅人。你咁大條道理做錯晒成個order，咁到底係應該叫你去檢查吓自己聽力，定係唔好睇咁多抖音專心做好你本分呢？都仲未飲已經覺得勁勞氣，一攞出嚟睇，你少唔少冰原來係完全冇分別嘅，飲兩啖就已經飲完，我覺得你仲喺度存在嘅原因係因為隔離未有檸檬茶店開囉。最重要係，新年流流唔想同你拗啦，你仲要特登做晒手勢喺度笑人，大佬，首先啱你啲order你跟住先至去笑人啦。啲紙盒擺晒喺地下阻街又唔擺好佢，結果要打去大廈管理處叫佢哋執返好啲嘢。隔離唔係冇紙盒㗎，但人哋起碼搭好佢呀嘛，你啲紙盒擺晒出嚟公眾地方，咁多人周圍買嘢食，係咪一定要就住你

話說沈晚11:30同小朋友係體育館練完習走去呢到買嘢飲。有個哥哥仔見我同小朋友一齊就問我有無學生証，我話無，app得唔得？個哥哥仔話唔得（要實體卡)。咁我都已經話無唔出聲，仲要問有無著校服？我即刻忍唔住同哥哥仔講唔好玩啦！幾點啊？跟住個哥哥仔繼續駁我無玩㗎！真係有學生著校服落去買。平$5炸！唔知以為唔洗錢tim！你哋就Out啦！你估間間小學有學生証㗎咩！用app㗎啦。。。咁嘅態度，同唔用腦諗吓先講嘢，低你哋噤多負評啦！

原來間野禁多負評，早幾日買過一杯招牌手打 個金髮阿姨沖得勁難飲，已經望住佢沖又打得hea，比錢果陣又要黑面渺尼渺去，其實好心唔想做唔好做啦，買你一杯嘢飲仲要睇你面色

收銀果位鄉音呀姐完全唔想做咁，企響佢面前十分鐘無事忙，叫佢又唔應，後面沖茶啲哥哥姐姐完全無野做等order，等落野途中都見到有人投訴，最後我都放棄等佢果位阿姐，好似我求佢俾野我飲咁，我走時後面條龍都好長。

唔係我反對環保唔鼓吹轉用紙飲筒，問題個紙飲筒個硬度同譚仔嗰啲差唔多，篤咩都唔得，淨係可以飲嘢，會唔會浸軟我都唔理著，個飲筒吉都吉唔入，頭一次用佢新轉嘅紙飲筒仲驚佢吉爛個杯蓋紙，結果支飲筒拗咗…完全飲唔到好彩我買完就返屋企，亦都有膠飲筒係屋企，先可以飲到…唔係嘅話要撩開杯蓋紙對口飲…咁樣仲會食埋冰😓然後第二次買又係咁，聽朋友講要用其他角度吉會吉得入，結果都係拗，兩次都係折咗 萎埋如果唔係屋企有膠飲筒可以用而又路途返屋企就唔好買了，你係街上面根本飲唔到，開蓋飲…觀感體驗都唔會好同埋杯嘢拎到返屋企冰都融曬，成杯嘢都唔同咗味何況你買個陣係口痕，想即時飲

上次買檸檬茶俾咗現金佢，個靚女收完我錢之後二話不說去裏面繼續沖檸檬茶，但係個過程好嘔心，佢收完錢之後，手都冇洗過，就入去用手拿起兩舊檸檬去中鐘碎佢（雖然杯茶唔知邊位客啊）你唔洗手都用返個夾夾檸檬啦，咁簡單嘅衛生常識，連幼稚園都識啊，都咁懶唔去做🥴🥴🥴即係令到人哋唔想再有第二次嘅幫襯

問咗半個月 終於有紫菜肉鬆雞蛋仔其實冇嗰樣嘢嘅話 就唔該餐牌貼住冇啦唔洗下下走去問今日問過終於有就買啦見作即整 等咗大約5分鐘倒終於到我no. 音迫不及待隨手摵咗邊邊幾粒食竟然一啲咗多多嘅紫菜肉鬆都冇 係冇 完全冇我凸真係心裏講粗口我再細心研究之下我發覺 30粒^嘅雞蛋只係得中間範圍大約10粒以內 係有所謂嘅紫菜肉鬆賣35蚊嘅貴價唔緊要但！買到返離 比咁嘅內容我完全感覺係呃秤囉！即係比喻 買3個蘋果 有2個都係爛嘅 咁嘅感覺囉冇嘅 冇下次囉！！！食完邊邊幾粒再望望個底

之前經過見到有生優惠就去買下想試試佢，但係買個陣聽到有個銀色短頭髮個阿姐係到鬧員工，仲要冇睇到我，佢講嘢我都覺得有少少難聽，見到入面D環境又唔係特別好 ，跟住我就走左。睇緊餐牌個陣見到佢啲鮮牛乳奶茶都唔似丸作 share tea 一樣用鮮奶，見到好似用惠康唔洗放雪櫃個D全脂牛奶，之前個朋友買過咩鴨咩鮮牛乳，佢話難飲過藥水味果汁，都係唔貪呢啲小便宜去買啲咁難飲嘅嘢，去返丸作呢啲真材實料嘅店安心少少。（ps 見到啲見工大部份都係女仔，同埋睇個阿姐似係老闆娘 啲員工真係有啲可憐）

Order 左蜜香桃山烏龍茶，俾漏左寒天晶球😒😒😒我以為佢會轉過杯加番晶球俾我，點知我見到佢哋用手指整開膠面加番晶球落去🤢🤢🤢，極度唔衛生，成個觀感極差，😡😡😡唔會再幫襯

夜晚去買杯霸王桶飲，明顯少左上面一層，望住我張學生證勁耐，好似覺得我呃佢咁大專生都係學生掛唔洗咁對我啊？同埋好淡，又唔係話好平，無下次真心…體驗唔好，個女人唔知係咪老闆娘，個樣又西

最近鍾意咗大熱嘅手打檸檬茶，見到大圍開咗間新店，一於試吓。落單時冇叫走糖少冰，諗住完味飲，沖茶嘅姐姐，掛住傾偈，唔記得咗落糖，難飲到嘔🤢睇返個標籤都係冇寫走糖，可惜已經返到屋企，冇得退貨，失望失望，失望失望……………………………………………………………………………….

想買杯嘢飲 路過見到呢一間 咁就望吓先 好少手打檸檬茶係女仔員工 覺得佢哋都幾辛苦🥲喺度揼揼揼 本身諗住揀一個鴨屎香檸檬茶 但係跟住見到呢一個蜜香桃山烏龍茶 諗住清清地試吓 應該唔會差就揀咗呢一個 點知嚟到見到點解咁似綠茶嘅 未見過烏龍茶係呢個顏色 而且小冰份量仲多過普通其他店舖嘅普通冰🥹 咁飲落去完全係綠茶嚟嘅，可能我少見 桃味應該只係加桃漿 如果加少少桃肉落去應該加分好多 增加口感 總括嚟講如果想飲好清好清嘅茶就可以飲嘅總知 呢杯嘢我飲落大為失望😫😫😫

手打檸檬茶飲店開到周圍都有，終於開到來大圍啦！由一開業已經日日排長龍。在收銀處可以直接見到水吧製作過程，一個負責切檸檬片，幾個負責"鐘"檸檬。因為是手打檸檬的關係，次次經過都聞到好清香檸檬味道，次次都會買返杯。手打檸檬茶飲好唔好飲，除了茶底要掂，仲要檸檬打出味道來。見到店員拎住支白色棒起勢"鐘"落 d 檸檬到，杯杯都坐底有廿幾下，手臂練到有老鼠仔，杯杯都無 hea do，"鐘"到檸檬肉都甩曬出黎，充滿勞動力，辛苦錢來的茶飲可以自選糖度和要求少冰前後後都試咗 3 款3 款都冇伏 提子檸檬霸王桶 🍇提子味濃飲品裏面真係有提子肉，皮連肉一併"鐘"爛一路飲，都一路食到提子肉btw 霸王桶份量超多， 2 人 share 都有多打邊爐的話可以一兩霸王桶，同屋企人 share鴨屎香檸檬茶 🍋 鴨屎香是一種茶葉來的，茶香濃郁配香水檸檬好夾，飲完個口好回甘除了平時飲的檸檬紅茶，宜家有其他選擇啦手打苦瓜檸檬茶 🥒新鮮苦瓜切到細細粒每一啖都有苦瓜的草青味，仲可以食埋 d 肉原來苦瓜和檸檬都夾得來