影片
更多
2023-11-13
8 瀏覽
今日去開銅鑼灣，朋友之前推介，有間新開樓上café質素幾好，所以就同老公去左呢度食晚飯。Café地方唔太大，裝修簡潔，有公仔同掛畫等擺設，感覺舒服，好warm。餐牌上set dinner都幾豐富，我哋叫左個封門柳同意粉。素食雜果沙律：裡面有橙、士多啤梨、藍莓同青提子，用新鮮生果甜味做調味，味道清新。另外呢度用椰菜做沙律菜，擺盤似花花，感受到廚師嘅心機。蘑菇湯：食到粒粒蘑菇，味道淡淡，蘑菇味濃，湯面幾滴橄欖油多左香味。慢煮安格斯封門柳配阿根廷青醬配炸薯條：賣相真心好，薯條剛炸起，熱辣辣。封門柳紅紅地，口感剛好，唔太硬又唔太軟，青醬味道都好好，同封門柳味道好夾。另外配菜有迷你甘荀仔同小菜球、蒜頭等都燒到好香，整體好好食。炙燒北海道帶子配蒜香明太子扁意粉：帶子size大，新鮮，輕輕燒過，入口帶鮮味。明太子鹹鹹地，扁意粉用左明太子汁加蒜蓉做醬汁，好香蒜蓉味，夠味道，幾好味。飲品：叫左Iced Macha latte (凍抹茶鮮奶) (+$15)同Iced Hojichi latte (凍焙茶鮮奶) (+$15)，抹茶鮮奶抹茶味濃，焙茶鮮奶茶葉烘過，香氣十足，兩款都好好飲。意式奶凍配雪糕：用左伯
Café地方唔太大，裝修簡潔，有公仔同掛畫等擺設，感覺舒服，好warm。
餐牌上set dinner都幾豐富，我哋叫左個封門柳同意粉。
素食雜果沙律：裡面有橙、士多啤梨、藍莓同青提子，用新鮮生果甜味做調味，味道清新。另外呢度用椰菜做沙律菜，擺盤似花花，感受到廚師嘅心機。
蘑菇湯：食到粒粒蘑菇，味道淡淡，蘑菇味濃，湯面幾滴橄欖油多左香味。
慢煮安格斯封門柳配阿根廷青醬配炸薯條：賣相真心好，薯條剛炸起，熱辣辣。封門柳紅紅地，口感剛好，唔太硬又唔太軟，青醬味道都好好，同封門柳味道好夾。另外配菜有迷你甘荀仔同小菜球、蒜頭等都燒到好香，整體好好食。
炙燒北海道帶子配蒜香明太子扁意粉：帶子size大，新鮮，輕輕燒過，入口帶鮮味。明太子鹹鹹地，扁意粉用左明太子汁加蒜蓉做醬汁，好香蒜蓉味，夠味道，幾好味。
飲品：叫左Iced Macha latte (凍抹茶鮮奶) (+$15)同Iced Hojichi latte (凍焙茶鮮奶) (+$15)，抹茶鮮奶抹茶味濃，焙茶鮮奶茶葉烘過，香氣十足，兩款都好好飲。
意式奶凍配雪糕：用左伯爵茶做意式奶凍，茶味香濃，口感幼滑，連雲呢拿雪糕都有伯爵茶味，整得好好。
巴斯克芝士蛋糕(+$20)：蛋糕外表唔錯，有厚度，口感綿滑濕潤，唔太甜，幾好食。
張貼
