金飯館

營業中

休息中

身邊總有一個人係飯桶，每一餐都要有啲飯落肚先得。唔好以為M佬係飯桶呀，真實嘅飯桶係A姐呀！今日接咗佢收工之後，諗住喺附近行吓，買啲餸再番屋企煮飯仔，點知我哋就經過呢期新開嘅金飯館，餐廳光猛乾淨，加上店員推介佢哋嘅出品，我哋就入去試試，等A姐唔駛番到屋企仲要辛苦煮飯啦！我哋嘅小食揀咗3款，分別有甜、有酸、有辣，非常開胃醒胃。蜜汁雞翼雞翼絕對係唔少人心目中嘅小食排行榜頭三位，呢度嘅雞翼有兩款口味，而我哋就揀咗蜜汁雞翼。雞翼大大隻又厚身，面頭充滿住蜜汁，好香甜好開胃！連雞肉都入晒味，好juicy，唔錯。酣香雲耳雲耳酸酸哋，好爽脆！麻辣青瓜青瓜勁多汁，帶有麻香，唔會太辣，麻味好有層次。招牌蝦頭油炒飯炒飯即叫即炒，好有鑊氣！入面嘅配料勁多，有蝦、蠔、帶子等等，真係餸多過飯呀！但我最欣賞嘅係炒飯唔會太鹹，每粒飯粒都充滿蝦頭油嘅香味，可以細味蝦頭油嘅原味道。招牌椒鹽半煎炸豬扒飯呢個椒鹽半煎炸豬扒飯真係不得了！份量超多，半煎炸嘅豬扒好香口，好juicy呀！但重點係上面佈滿大量椒鹽辣椒粒，非常香口，好好味呀！