影片
更多
2025-03-14
2236 瀏覽
介紹返💁🏻♀️。。🇯🇵 放題 在旺角 🇯🇵。殿 · 大喜屋 Tono Daikiya。帝京酒店2樓。晚市放題兩小時自選時段星期一至四。HKD388 + 10%星期五。HKD408 + 10%星期六及公眾假期前夕。HKD418 + 10%星期日及公眾假期。HKD418 + 10%。大量其他優惠時段，請查閱官方詳細資料🤫 今次我哋幫襯嘅係位於旺角火車站上蓋帝京酒店入邊嘅殿..屬於大喜屋集團..老實講～大喜屋呢個集團真係不得了..唔特登研究都唔知..佢哋除咗有三個Level嘅日式放題..就連千海水產都係佢哋嘅旗下..真係超級勁🤩🤫 都有三五年冇食過放題嘅我同埋飯腳仔..今次星期四平日六點過到嚟帝京呢邊..都真係有啲俾呢度嘅裝潢同埋環境之大而嚇窒咗🤣帝京嘅呢一間殿係霸佔咗成個樓層..樓底相當之高..座位舒服乾淨企理同埋有好多卡位..私隱度高👍🏻真心成個環境令人好舒服..唔再係以前嗰種好侷促嘅感覺..絕對係新一代放題餐廳嘅表表者～🤫 嘢食方面種類多就梗㗎啦～然而我發現呢一度主打嘅食物偏向係一啲較高價錢而且慣常放題唔會有得食嘅料理..就好似鱘魚子醬鵝肝多士煙燻鱆紅魚薄切松葉蟹腳等等～🤫 平時從來唔
。
。
🇯🇵 放題 在旺角 🇯🇵
。殿 · 大喜屋 Tono Daikiya
。帝京酒店2樓
。
晚市放題
兩小時自選時段
星期一至四。HKD388 + 10%
星期五。HKD408 + 10%
星期六及公眾假期前夕。HKD418 + 10%
星期日及公眾假期。HKD418 + 10%
。大量其他優惠時段，請查閱官方詳細資料
🤫 今次我哋幫襯嘅係位於旺角火車站上蓋帝京酒店入邊嘅殿..屬於大喜屋集團..老實講～大喜屋呢個集團真係不得了..唔特登研究都唔知..佢哋除咗有三個Level嘅日式放題..就連千海水產都係佢哋嘅旗下..真係超級勁🤩
🤫 都有三五年冇食過放題嘅我同埋飯腳仔..今次星期四平日六點過到嚟帝京呢邊..都真係有啲俾呢度嘅裝潢同埋環境之大而嚇窒咗🤣帝京嘅呢一間殿係霸佔咗成個樓層..樓底相當之高..座位舒服乾淨企理同埋有好多卡位..私隱度高👍🏻真心成個環境令人好舒服..唔再係以前嗰種好侷促嘅感覺..絕對係新一代放題餐廳嘅表表者～
🤫 嘢食方面種類多就梗㗎啦～然而我發現呢一度主打嘅食物偏向係一啲較高價錢而且慣常放題唔會有得食嘅料理..就好似鱘魚子醬鵝肝多士煙燻鱆紅魚薄切松葉蟹腳等等～
🤫 平時從來唔會幫襯放題嘅壽司嘅本人發現原來而家放題嘅壽司ss質素好過以前十萬八千倍㗎🤩真係估唔到我平時喺元氣必定要食兩件以上嘅蒜蓉牛油燒赤蝦壽司同埋去壽司郎必定要食嘅燒左口魚邊壽司呢度都有..仲要個質素拍得住出邊嘅壽司店👍🏻
🤫 然後俾飯腳仔譽為好似熔岩流緊落嚟咁樣嘅香蔥芝麻拖羅小卷又係不得了😳拖羅蓉滿到瀉..實在係相當滿足😍而最最最推介必定係海膽拖羅鱈魚干手卷同埋牛油果蟹肉最中餅..海膽份量俾得算係唔話得之餘仲要係鮮甜🤤最中餅脆口配埋新鮮牛油果蟹肉..我都忍唔住Encore咗兩次✌🏻
🤫 放題必須要食嘅向來都係刺身類..殿嘅刺身真係分分鐘多過平時去酒店食Buffet..而且質素上佳💯最普通嘅三文魚油甘魚希靈魚北寄貝赤貝甜蝦不在話下..呢度仲有赤蝦鮮帶子..就連放題極少見嘅池魚拖羅鱆紅魚松葉蟹腳都有得食😍個拖羅嘅質素仲要係入口即溶㗎🫨
🤫 熟食方面..我必須同所有食過呢度放題嘅朋友一樣..提醒你唔食鵝肝多士真係會蝕底😂因為呢度啲鵝肝煎得好唔錯..而且厚切..一啲都唔孤寒..鵝肝油係喺個口入邊爆出嚟嘅～除此之外..呢度嘅皇牌乳鴿蟹黃粥同埋清酒煮蜆都係飯腳仔嘅至愛..佢話個粥夠棉..蟹肉蟹膏都好多..然後清酒煮蜆蜆肉夠大隻..芫荽同清酒嘅香味非常濃郁👍🏻至於乳鴿就唔使講啦..啖啖肉脆皮～
🤫 除咗QR code落單嘅呢啲美食之外..出邊Open Area嘅嘢食都係不容忽視嘅..首先好新奇地..竟然就算係放題都有好似酒店咁樣嘅凍海鮮俾客人自己夾😲種類都有成四樣..青口凍蝦海螺..竟然仲有瀨尿蝦同埋三文魚籽任不唔嬲..真係人都癲🤭
🤫 仲有～熱食同樣受歡迎..嗰啲好辣嘅龍蝦仔..螺肉同埋唐揚雞件都好多人搶住食..而最多人排隊夾嘅都莫過於係呢度幾出名幾出色嘅烤榴槤～
🤫 最後甜品方面..出邊大把木糠布甸大福糯米糍馬卡龍楊枝甘露..同埋雪糕雪條呢啲就唔使講㗎啦..我就自己Encore咗兩個椰皇燕窩燉蛋白..呢個蛋白真係好好味呀😋椰香味好重..蛋白夠滑..仲有好大篤燕窩添🤭
🤫 係喎～嘢飲方面都係真心勁..平時打邊爐打開有得飲嗰啲乜鬼嘢白桃茶洛神花茶..一罐罐嘅汽水茶類維他奶麥精..咖啡機自家製嘅蜂蜜菊花茶呢啲一啲都唔出奇..出奇在梅酒白酒清酒都可以飲斟任飲..好酒之徒..仲唔過嚟飲飽食醉🤪
。。
翻兜指數：🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）
。。
張貼
