影片
更多
2023-05-04
1082 瀏覽
介紹返💁🏻♀️。。🇹🇼 台灣菜 在大角咀 🇹🇼。好吃吃光 Eat Up。大角咀博文街4號地舖。月見海老蚵仔魯肉飯包含一份小菜及一杯阿薩姆紅茶。HKD74 Q彈焢肉。HKD18夜市台灣腸。HKD32椒盬花枝丸。HKD38 @ 4粒大滿足蛋餅。HKD54冬瓜茶。HKD18 @ 熱。HKD20 @ 凍🤫 今日我要介紹嘅係我自己期待已久嘅好吃吃光～呢間台灣菜成日都會喺IG度蒲出嚟..第一次見到嗰隻亮晶晶圓轆轆嘅月見俾好多好多隻大大隻嘅蚵仔手牽手咁樣圍住嘅時候..我就已經下定決心一定要親身去會一會佢🤪🤫 然後喺日本返嚟嘅第三日就約咗沈沈去好吃吃光排隊開飯兼見佢一面😳雖然話係要排隊..都係等咗十分鐘左右就已經可以被安排坐喺窗邊高枱位置..平時見到人哋嘅Post都有Menu張相..點知原來呢度係用QR Code落單嘅🤣🤫 我呢個為食仔見到原來月見蚵仔滷肉飯仲有個加強版係有埋海老㗎😲梗係揀呢個乜都有齊晒嘅開心啲啦～然後就再加多三四樣小食同沈沈Share食..落單大功告成🎉🤫 等咗一陣小食們都陸續上枱..夜市台灣腸其實係普通原味嘅台灣腸一條再加我最鍾意食嘅墨汁腸一條切片伴以生蒜粒粒..我最鍾意就係呢一種
。
。
🇹🇼 台灣菜 在大角咀 🇹🇼
。好吃吃光 Eat Up
。大角咀博文街4號地舖
。
月見海老蚵仔魯肉飯
包含一份小菜及一杯阿薩姆紅茶
。HKD74
Q彈焢肉
。HKD18
夜市台灣腸
。HKD32
椒盬花枝丸
。HKD38 @ 4粒
大滿足蛋餅
。HKD54
冬瓜茶
。HKD18 @ 熱
。HKD20 @ 凍
🤫 今日我要介紹嘅係我自己期待已久嘅好吃吃光～呢間台灣菜成日都會喺IG度蒲出嚟..第一次見到嗰隻亮晶晶圓轆轆嘅月見俾好多好多隻大大隻嘅蚵仔手牽手咁樣圍住嘅時候..我就已經下定決心一定要親身去會一會佢🤪
🤫 然後喺日本返嚟嘅第三日就約咗沈沈去好吃吃光排隊開飯兼見佢一面😳雖然話係要排隊..都係等咗十分鐘左右就已經可以被安排坐喺窗邊高枱位置..平時見到人哋嘅Post都有Menu張相..點知原來呢度係用QR Code落單嘅🤣
🤫 我呢個為食仔見到原來月見蚵仔滷肉飯仲有個加強版係有埋海老㗎😲梗係揀呢個乜都有齊晒嘅開心啲啦～然後就再加多三四樣小食同沈沈Share食..落單大功告成🎉
🤫 等咗一陣小食們都陸續上枱..夜市台灣腸其實係普通原味嘅台灣腸一條再加我最鍾意食嘅墨汁腸一條切片伴以生蒜粒粒..我最鍾意就係呢一種可以連埋生蒜粒粒食嘅正宗台灣腸食法㗎喇..脆皮腸再加埋生蒜刺激又惹味..一啖一片又夠晒方便..話咁快就俾我哋兩個隊晒嚕～
🤫 然後椒盬花枝丸勁大粒有四粒..同隻匙羹嘅比例非常之完美🤣忍唔住要影一張Solo..椒鹽味滿滿而且炸得香脆..入邊又Keep得到水嫩彈牙..雖然話呢啲係一啲現成食品..但係製作得好食就別有一番風味
🤫 再嚟就係必食推介～大滿足蛋餅..記得..一定要叫大滿足蛋餅而唔係嗰啲普通芝士蛋餅..因為呢個大滿足蛋餅真係會令到你大滿足㗎🤭佢將芝士雞扒青菜粟米集於一身..豐厚嘅身形已經令我想入非非..夾起上嚟見到流心芝士包住幼嫩雞扒下邊仲有一塊綠油油嘅青菜..放入口嘅時候更加有香甜粟米嘅口感..你話係咪大滿足先..記得如果兩個人嚟開餐嗌一碗飯再加一個大滿足蛋餅就夠㗎啦..如果叫兩碗飯我肯定你食唔晒🤪
🤫 跟住就係主角登場～月見海老蚵仔魯肉飯💁🏻♀️碗飯一放低..蚵仔嘅香氣撲面而嚟..沈沈已經準備就緒..匙羹差啲去到目的地嘅嗰一刻..俾我叫停咗😆因為我要相機食先..快手影咗三四五六七八張相之後..我哋終於開動..蚵仔果然冇令人失望..鮮甜多汁而且隻隻都有返咁上下Size..篤穿埋個月見撈落去個魯肉飯度就更加不得了..我同沈沈都好耐冇試過要邊食邊講好味㗎喇..唯獨海老雖然都係大隻仔..可惜得三隻唔夠分囉😳
🤫 食到咁上下差啲唔記得咗我哋仲有個Q彈焢肉未嚟㗎喎..原來焢肉製作需時..半碗飯之後佢終於送到..好香濃嘅薑醋味..你睇佢咁深色就知道啦～而且呢一嚿焢肉已經煮到軟綿綿..差啲就係入口即溶嘅感覺
🤫 最後..只要嗌一個主食就會免費有一杯凍或者熱嘅阿薩姆紅茶..係一杯好濃嘅紅茶..就算我係飲凍嘅加咗冰都咁香濃就知道佢個茶膽唔少嘢啦..而沈沈飲嘅凍冬瓜茶甜度適中清涼解渴
🤫 老實講好吃吃光地方真係唔係好大..不過座位都尚算舒適..係枱與枱之間嘅位置唔係太多..侍應哥哥姐姐嘅服務都唔錯呀..有交帶快手快腳..我自己就好鍾意坐喺窗邊呢一排嘅高枱..邊食邊望住街外邊嘅風景又有另一番感受..大家快啲嚟呢度試吓😆不過要預多啲時間排隊先得
。。
翻兜指數：🙆🏻♀🙆🏻♀️️🙆🏻♀️🙆🏻♀️ （5個🙆🏻♀️為翻兜爆燈）
。。
張貼
