影片
更多
2022-07-23
335 瀏覽
介紹返💁🏻♀️。。🇯🇵 Sukiyaki 在 尖沙咀 🇯🇵。日山 Hiyama。海港城海運大廈3樓OTE302號舖。Lunch Set壽喜燒A5和牛嚴選部份及野菜盛Sukiyaki A5 Wagyu with Assorted Vegetables 。HKD498 + 10% 🤫 話說較早之前嘅母親節食完幸匠燒俾人踢咗入會..然後有HKD300 Coupon俾我再食過..唔執輸嘅我梗係要擇個吉日約朋友仔去試吓想試好耐嘅日山🤫 一路以嚟都對日山個滿佈假竹樹嘅門口好有興趣..哩日終於都可以行入去..lol..埋位坐低諗咗一陣之後我同朋友仔都決定嚟得日山梗係要試佢哋嘅Sukiyaki啦..就揀Lunch Set最貴嗰個嚟試吓啦🤫 咁Order完冇耐..前菜頭盤同茶碗蒸一次過嚟晒..(wei..其實我唔明前菜同頭盤有咩分別..點解個Menu要分開兩樣嘢嚟寫..but anyway..) 前菜頭盤係梅味啫喱蕃茄同埋和牛肉末芋泥波波..蕃茄啫喱非常之開胃..梅味嘅啫喱甜甜地再加酸酸咪咪嘅車厘茄非常之Refresh..然後和牛肉末肉味香濃同幼滑嘅芋泥波波相映成趣..我哋對兩個Appetiser都相當
。
。
🇯🇵 Sukiyaki 在 尖沙咀 🇯🇵
。日山 Hiyama
。海港城海運大廈3樓OTE302號舖
。
Lunch Set
壽喜燒A5和牛嚴選部份及野菜盛
Sukiyaki A5 Wagyu with Assorted Vegetables
。HKD498 + 10%
🤫 話說較早之前嘅母親節食完幸匠燒俾人踢咗入會..然後有HKD300 Coupon俾我再食過..唔執輸嘅我梗係要擇個吉日約朋友仔去試吓想試好耐嘅日山
🤫 一路以嚟都對日山個滿佈假竹樹嘅門口好有興趣..哩日終於都可以行入去..lol..埋位坐低諗咗一陣之後我同朋友仔都決定嚟得日山梗係要試佢哋嘅Sukiyaki啦..就揀Lunch Set最貴嗰個嚟試吓啦
🤫 咁Order完冇耐..前菜頭盤同茶碗蒸一次過嚟晒..(wei..其實我唔明前菜同頭盤有咩分別..點解個Menu要分開兩樣嘢嚟寫..but anyway..) 前菜頭盤係梅味啫喱蕃茄同埋和牛肉末芋泥波波..蕃茄啫喱非常之開胃..梅味嘅啫喱甜甜地再加酸酸咪咪嘅車厘茄非常之Refresh..然後和牛肉末肉味香濃同幼滑嘅芋泥波波相映成趣..我哋對兩個Appetiser都相當滿意..相反茶碗蒸就比較平淡..有兩粒蝦肉仔..清清地咁啦
🤫 然後侍應哥哥就攞咗碟和牛過嚟介紹一下同埋俾我哋影張相..話說呢一日嘅Chef’s Choice係鹿兒島和牛嘅牛肩頸..一人有兩大塊..油脂均勻..影完張相就拎返去俾廚師處理啦
🤫 等咗冇耐..第一份和牛就Ready可以上枱..日本嘅生雞蛋佐第一片嘅牛肩頸配京蔥同豆腐..和牛當然有一定嘅水準啦..牛味香濃..加上師傅純熟嘅手藝..生熟程度啱啱好..肉質幼滑..然後京蔥同埋豆腐兩邊煎香亦都非常之好送飯
🤫 第一片牛食完之後侍應哥哥就問我哋味道如何..生熟程度啱唔啱口味同埋有冇需要淡口啲或者濃味啲..咁我同朋友仔都一致認為可以試吓Sukiyaki味道更加濃郁啲喎
🤫 然後第二片牛好快又準備好啦..今次呢一片係配非常之入味嘅冬菇仔同埋爽口嘅芋絲..同樣地牛肉保持非常好嘅質素..但係對食肉獸嚟講其實兩片真係唔多夠喉囉..lol
🤫 雖然覺得唔係好夠喉..但係其實又夠飽個喎..而且因為餐廳有限時用膳嘅關係..我哋兩個都冇特別話再加啲乜嘢食..咁食埋佢哋甜品嘅柚子雪糕就俾錢走人lu
🤫 總括嚟講其實嘢食嘅質素非常高質..但係價錢同份量就唔係太成正比..咁當然我都明白尖沙咀嘅呢個地段有咁靚嘅海景嘅餐廳價錢都一定唔會太平民㗎啦..亦都可能因為係食Sukiyaki嘅關係..我哋都想慢慢享受一下導致用膳時間比較緊張..umm..個人就覺得試過一次就OK啦
。。
翻兜指數：🙆🏻♀️（5個🙆🏻♀️為翻兜爆燈）
。。
張貼