13
4
0
等級2
10
0
話明系孕婦飲品但係用水喉水沖
2020-10-15 2329 瀏覽
我想講頭先我去咗呢間咁嘅嘢， 行街口渴入去諗住買杯凍飲， 一入到去問佢有啲乜嘢凍飲好介紹，佢就拎咗份專係孕婦嘅menu畀我， 全部冇價錢嘅， 我揀咗一杯啦，問佢幾多錢，佢唔出聲，到到埋單就嘟咗40蚊都算， 見佢沖嘅時候用水喉水沖， 都算。 攞咗嗰杯嘢一開 諗住飲一啖先 ，佢就話我唔可以企喺個店裏面飲，因為裏面要戴口罩。 咁好啦，我行出去門口飲，但杯嘢裏面係有啫喱，我入返去問佢攞飲管， 佢就話佢哋係支持環保唔會有飲管比， 咁我就問佢有冇長膠羹，裏面有啫喱我食唔到wo， 佢哋就話冇膠長羹，只係得啲木條攪攪棒，還叫我試下用木條攪攪棒嚟食杯裏面啲啫喱😠。 咁我就話唔要杯嘢la 我食吾到杯內d 啫喱，佢就話揸唔到主意，跟住入咗去廚房講咗兩三分鐘電話。最後我企足成四分鐘，我話我隻腳好攰，你可唔可以快啲，佢先拎返兩張20蚊紙畀我。嬲到直頭張單都冇拎返嚟， 淨係攞咗佢張網上外賣平台優惠， 之前等緊飲品時以為都幾好喎可以用網上外賣平台送貨， 問佢係唔係輸入呢個code可以經 網上外賣平台送上門? 嗰個收銀員就話乜都唔知。今時今日咁嘅經濟，仲要咁嘅40蚊質素，真係應該好快執笠。👎
我想講頭先我去咗呢間咁嘅嘢， 行街口渴入去諗住買杯凍飲， 一入到去問佢有啲乜嘢凍飲好介紹，佢就拎咗份專係孕婦嘅menu畀我， 全部冇價錢嘅， 我揀咗一杯啦，問佢幾多錢，佢唔出聲，到到埋單就嘟咗40蚊都算， 見佢沖嘅時候用水喉水沖， 都算。 攞咗嗰杯嘢一開 諗住飲一啖先 ，佢就話我唔可以企喺個店裏面飲，因為裏面要戴口罩。 咁好啦，我行出去門口飲，但杯嘢裏面係有啫喱，我入返去問佢攞飲管， 佢就話佢哋係支持環保唔會有飲管比， 咁我就問佢有冇長膠羹，裏面有啫喱我食唔到wo， 佢哋就話冇膠長羹，只係得啲木條攪攪棒，還叫我試下用木條攪攪棒嚟食杯裏面啲啫喱😠。 咁我就話唔要杯嘢la 我食吾到杯內d 啫喱，佢就話揸唔到主意，跟住入咗去廚房講咗兩三分鐘電話。最後我企足成四分鐘，我話我隻腳好攰，你可唔可以快啲，佢先拎返兩張20蚊紙畀我。

嬲到直頭張單都冇拎返嚟， 淨係攞咗佢張網上外賣平台優惠， 之前等緊飲品時以為都幾好喎可以用網上外賣平台送貨， 問佢係唔係輸入呢個code可以經 網上外賣平台送上門? 嗰個收銀員就話乜都唔知。

今時今日咁嘅經濟，仲要咁嘅40蚊質素，真係應該好快執笠。👎

(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
or#tm66551691 你自己可以選擇問到聽清楚個價錢先拍八達通比錢！人哋員工仔更係要問準公司先可以退錢，企個4分鐘就催催貢，下次麻煩你咁多要求就自己帶嘢飲出街啦
2021-03-26
回覆
Fanny Family 唔知你係吾係傳聞嗰位收銀員呢？都話明問咗幾多錢但收銀員冇回應囉😂😂😂 係咪唔識睇中文？😆😆😆
2021-04-09
Fanny Family 都話到明問左佢幾多錢但冇出聲囉😂 用一個新account ， 有冇名 ，而去回應人哋嘅評論 😆😆。
2021-04-09
張貼
評分
環境
服務
衛生
用餐途徑
堂食