CheckCheckCin 米水茶飲

營業中

休息中

近來潮濕💦的天氣真係攪到個人好重好攰😓！又冇時間自己煲去濕湯水🥺，不過自從認識了CheckCheckCin的紙包米水後就方便得多，插支飲筒🧃就飲得方便快捷就可以去濕🧏🏻‍♀️，今次入手了兩款紙包米水，味道也清香不甜膩好爽口。朝原箱紙包米水$175/12包🍚💧，有去水腫、消胃脹 及改善面黃的功效。紫番薯原箱紙包米水$180/12包🍠💧，則有去水腫、舒緩便秘及抗氧化的功效。訂購👉🏻 https://bit.ly/3m6OuXV

近來早晚已經感覺到有點點秋意🍂，對於廣東人滋潤湯水🥣真的少不了！幸福的我們每星期也可以回外家喝到車婆婆👵🏻親手煲的老火靚湯😋，但有時她也不知煲什麼湯好，於是我就在選了全新推出以中醫角度研發的煲湯湯包Soup Pack🎴送給她，只要根據包裝袋上的建議配搭食材🐥🐷，便可以煲出多樣化及具不同功效的滋潤湯水🥣，不需老人家花太多心思為煲湯而煩惱😊！煲湯湯包Soup Pack系列包括有清熱解毒的霸王花土茯苓綠豆湯🌼、健脾祛濕的猴頭菇淮山小米湯🍄、補氣養血的舞茸菇百合紅腰豆湯🫘、清熱祛濕的竹蔗茅根粟米鬚湯🎋、消脂消滯 的白背木耳海帶淮山湯、滋陰潤肺的雪耳沙參海玉竹湯，及補肺利濕的五指毛桃太子参粟米鬚湯🌽等。Soup Pack系列只限上環米水茶飲店及網店有售。

我想講頭先我去咗呢間咁嘅嘢， 行街口渴入去諗住買杯凍飲， 一入到去問佢有啲乜嘢凍飲好介紹，佢就拎咗份專係孕婦嘅menu畀我， 全部冇價錢嘅， 我揀咗一杯啦，問佢幾多錢，佢唔出聲，到到埋單就嘟咗40蚊都算， 見佢沖嘅時候用水喉水沖， 都算。 攞咗嗰杯嘢一開 諗住飲一啖先 ，佢就話我唔可以企喺個店裏面飲，因為裏面要戴口罩。 咁好啦，我行出去門口飲，但杯嘢裏面係有啫喱，我入返去問佢攞飲管， 佢就話佢哋係支持環保唔會有飲管比， 咁我就問佢有冇長膠羹，裏面有啫喱我食唔到wo， 佢哋就話冇膠長羹，只係得啲木條攪攪棒，還叫我試下用木條攪攪棒嚟食杯裏面啲啫喱😠。 咁我就話唔要杯嘢la 我食吾到杯內d 啫喱，佢就話揸唔到主意，跟住入咗去廚房講咗兩三分鐘電話。最後我企足成四分鐘，我話我隻腳好攰，你可唔可以快啲，佢先拎返兩張20蚊紙畀我。嬲到直頭張單都冇拎返嚟， 淨係攞咗佢張網上外賣平台優惠， 之前等緊飲品時以為都幾好喎可以用網上外賣平台送貨， 問佢係唔係輸入呢個code可以經 網上外賣平台送上門? 嗰個收銀員就話乜都唔知。今時今日咁嘅經濟，仲要咁嘅40蚊質素，真係應該好快執笠。👎

系一間位於上環好養生噶飲料店，養生，感覺就應該系清淡，我就比較中意飲滴甜噶野，所以一直無嘗試，今日我滴friend一路推薦我去飲，就去試左下，桂花茶好香桂花味，仲加左幾粒紅棗，都掩蓋不了桂花噶香味，飲落去好清甜，雖然不是太甜，但系味道真系好清新！

食完飯特別想飲甜野，呢間買既野飲都好健康，有好多種飲品，有豆奶、無花果茶...我就叫左熱既黑芝麻豆奶，揀左少甜，甜度剛剛好，面頭有好多黑芝麻粒，底下有好滑既豆漿渣，好似食緊糖水咁，估吾到一杯飲品都咁足料

小編有買開佢地既朝夕米水，覺得唔錯，但一直冇機會真正落舖頭飲，今日去左上環附近食飯，經過呢度當然要試下啦，小編試佢地最出名既紅豆水，真係唔錯，有隱約紅豆味，冇甜味，只有豆香味，真係非常健康，成日飲茶X會或者天X，係時候要轉換下呢D FRESH又健康既飲品，下次想試埋佢地既豆奶飲品好似都幾吸引甘。可惜既係分店唔多，中環又冇，金鐘都冇，只有銅鑼灣系近Ｄ但係Ｏ系皇室堡Ｏ個邊，都係唔太方便，如果ＨＹＳＡＮ有ＰＯＰＵＰ　ＳＴＯＲＥ就好啦！

食完飯，散下步經過叫左個熱既招牌米水一試！之前係IG or Facebook 都有留意開呢間鋪，不時會更新發出圖片，圖文並茂，有趣易明！飲品方面：熱飲真係超級熱！有薏米係底，飲落好有米味道！感覺好健康！同平時啊媽煲既粥水，係唔同感覺。如果想自家制，可以煲下薏米水飲，但懶得煲，就平平地幾十元，可以間唔中飲下既！環境方面：一鋪兩用！出面賣野飲，入面可以預約睇埋中醫！租金昂貴，係現今社會創業，少d諗頭都唔捂...仲可以免費做會員，買野飲同時儲埋分！多飲多著數

平時係上環返工，食完晏成日會過黎呢間野買嘢飲，諗住是但係餐版簡一隻嘢飲都健康過珠奶多多聲！今日見佢ig post咗秋冬特飲有我最愛嘅肉桂就走落黎試試佢！一飲真心有d失望😞只能話係健康既味道，下次都係飲返紅豆米水算喇

經過呢間店好多次，淨係知道出名賣朝、夕米水既，不過覺得太清淡，從來都冇諗住試。今日同事講開有飲過佢一隻桂花味既飲品好好飲，最鐘意桂花味既我當然要去試啦！叫左熱飲，雖然都有紅棗，但唔會遮住左啲桂花既清香味，有啲人可能會覺得呢杯野太淡，但我就覺得作為一杯健康既野飲，佢都算幾好飲

這間是位於上環，結合中醫診所與飲料的新型店～店裡設計相當乾淨利落，給人感覺很舒適。而且賣的飲料是結合了中國多年中醫概念的智慧，大家可根據身體狀況選擇適合的飲料。店裡也有沖式包賣。招牌米水$26，可以看到上邊飄著薏米，喝後會覺得味很清新，即使沒叫減甜不會很甜（可少甜），殻物味重很清香。黑芝麻豆奶茶$34，黑芝麻是新鮮的不是芝麻粉，所以喝時可咬粒粒芝麻感覺非常香脆。豆奶味香濃跟黑芝麻很搭配。喝到底有米渣～很有口感～健康與好味並重，哈很適合大城市急忙又講究效率的香港人～

每日中午飯後都想出去買杯野飲 但茶飲得多好易夜晚訓唔到教 自從有一次因為減價飲左呢間既紅棗豆奶後就愛上了 紅棗飲品出面唔係成日有 加上唔洗叫少甜都唔甜 由於成日飲 我已經成為左會員 生日會送一杯野飲今日先睇到佢menu原來有寫卡路里 睇完又對減肥成功充滿希望😍今日飲火龍果珍珠玫瑰茶 自備杯減兩蚊其實呢間鋪最好係凍飲係冰搖 而佢會整走冰先比你 咁就唔會好凍同變淡味 另外佢都可以暖飲 夏天唔想飲熱野 女仔月事又唔飲得凍野 咁呢間店既暖飲就岩晒你啦！

我經常係呢間鋪買米水，而且飲親都係米水。雖然呢杯米水唔係平，但諗諗下自己屋企都唔會煲，冇所謂啦，而且求其買杯飲台式飲品都係呢個價，米水仲健康好多。我成日返工都覺得好攰，杯米水可調理下脾胃，又可以去濕，我都覺得飲完個人係冇咁虛。至於味道，由於我本身食野口味比較淡，所以唔會覺得杯米水太寡（我飲走甜），相反覺得佢米香味好濃，好好飲，仲可以食埋d渣飽肚。佢呢度仲有獨立包裝既米水賣，自己買返去沖會平d。但係如果係店買佢會加埋藜麥，比較足料，所以為左貪方便我都會選擇係店買佢沖既。

食完晏成日想買野飲 但珍珠奶茶咖啡等全部都唔健康珍珠啱哂口痕時𡁻下但難消化終於俾我搵到健康養生飲品 - 米水上環呢間飲品店賣米水同茶飲全部都係中醫師挑選的材料組合每款有唔同益處 當然唔係飲一杯就會解決問題但絕對係珍珠奶茶的健康代替品!招牌米水(薏米 紅米 白米 有機藜麥)| $26健脾養胃 適合容易腹脹 容易疲倦 浮腫人士有去濕消腫功效 食完飯飲幫助下消化冇糖 純米水 所以味道偏淡但都飲到米香味最鐘意有薏米同藜麥咬下不過價錢真係貴左d 米同水都要$26...😅

好過飲咖啡奶茶  好飲過咖啡奶茶尼間鋪真係由佢第一日開鋪，我就光顧佢呀，雖然我無幫襯過佢睇中醫，但我差吾多試哂佢既飲品，冬天最後飲柚子薑米水（我吾太記得個名），飲完個人暖暖粒粒，而且佢願意落多d薑汁俾我，讚👍🏻最令我深刻既，係香蕉乳酪米水（個名禁上下），開頭覺得古古怪怪既，佢係切一片片既香蕉加乳酪，倒落攪拌機打麻一齊，一試愛上，減肥一定要試呀，非常飽肚，感到非常fresh，每日食晏都會入一杯，除左好飲之外，係因為買夠5杯，就送一杯，而且送哦杯係無限價錢嫁😊😊😊因為好少去港島區哦邊，好期待會係九龍區開呀😙😙😙

I wouldn't exactly describe these drinks as herbal but healthy because they contain fruit and have a modern touch.Tried the apple one which tastes like warm apple crumble in drink form loaded with finely chopped apple pieces and a fragrant cinnamon taste.The other longnan drink tasted like coconut so it was quite palatable.