翡翠拉麵小籠包

營業中

休息中

前2天去行 airside, 晚餐時間揀左呢間食，可能當日晚餐去到都係6點幾時間尚早， 所以唔駛等位。餐廳內環境好光猛，入面2人枱唔多，去到無哂卡位，安排左我地坐2人枱，不過張枱真係好細，擺左茶壺茶杯得返好少空間擺菜。每次食上海菜都會必點小籠包，小籠包上枱賣相不錯，湯汁多，肉算新鮮，不過不失。擔擔麵- 個麵底入口都幾彈牙，入口花生醬好濃味，辣椒油味都好重，不過個人感覺兩個味加埋唔係太夾。高力豆沙 -又是我至愛的上海甜品，表面沾滿糖霜，軟熟的質感食落似棉花糖，配合豆沙餡，味道不錯。糖醋排骨-菜式有2個大小可選，今次叫左標準 size, 份量夠，肉質較林身，味道偏甜，如果多番酸味會更好。計埋茶錢和小食，加一服務費，埋單$320幾。