翡翠拉麵小籠包

講起食精緻上海菜，「翡翠拉麵」絕對係啟德內數一數二！今次試咗幾款招牌，同大家分享下邊啲最值得推介！上海小籠包 係必食之選！皮薄到透光，用筷子夾起嗰陣，入面嘅湯汁「卜卜下」，真係驚一唔小心就整穿佢。一啖咬落去，湯汁多到爆出嚟，鮮甜唔油膩，肉餡又夠嫩滑，點少少醋食，完美！松子魚 係視覺同味覺嘅享受！成條魚起晒花，炸到金黃色，個樣已經贏晒。咬落口 外脆內嫩，個酸甜汁調得剛剛好，開胃又醒神，加上松子嘅香氣，送飯一流！雞絲粉皮 係驚喜之作！麻醬落得夠晒多，香濃到不得了，撈勻每條粉皮同雞絲，口感滑溜，作為前菜真係無得頂。至於其他點心，蘋果菠蘿春卷 好有創意，外皮脆卜卜，入面係清甜嘅果肉，感覺幾新鮮。桂花酒釀丸子 酒香溫醇，丸子軟糯，飯後食一碗好舒服。而椰子燉雞湯拉麵就幾特別，湯底好清甜，有淡淡椰子香，不過個人覺得試一次就夠。佢哋嘅小籠包、松子魚同雞絲粉皮真係高水準，絕對值得你特登過嚟試下！環境同服務都唔錯，想同朋友或家人食餐好嘅上海菜，呢度係個穩陣又滿足嘅選擇！…查看更多

Airside呢間翡翠拉麵小籠包環境超好，整潔舒適，位置寬敞，QR code落單上菜快，近期佢哋推出「黃金蟹逅」一系列同蟹有關嘅特色菜式，真係好吸引！我哋叫咗招牌蟹粉小籠包（4隻），皮薄得嚟有彈性，包住啖啖肉嘅蟹粉餡，湯汁鮮甜又濃郁，一咬落去即刻感受到鮮味瞬間爆開，蟹粉味道層次好豐富。蟹粉生煎包（3隻），賣相好掂，外皮煎得金黃香脆，底部有少少微焦脆口感，蟹粉餡料味鮮甜。松子魚份量滿足，賣相好靚，表層炸得酥脆，魚肉嫩口鮮甜，面頭酸甜醬汁正好，配合香脆嘅松子粒，口感層次豐富，跟埋白飯食就最正啦。蟹粉豆腐煲香氣四溢！最鐘意豆腐嫩滑口感，同時吸足蟹粉嘅鮮甜，佢個蟹粉超香，用嚟撈飯真係一流。…查看更多

呢間餐廳向來都係人氣高企, 係香港屹立左好多年,呢家餐飲業不景氣, 當然要支持下啦~涼拌海蜇爽口彈牙, 煙韌新鮮, 配上蔥花一起吃, 口感更加清新, 作為開胃菜一流!上海小籠包皮薄餡靚, 內裡juicy, 蘸上醋汁及薑絲一起吃, 更有提鮮作用!紅油抄手有微微的辣味, 內裡應該係包裹住菜肉, 吃下去有辣椒味, 尤其刺激味蕾~鮮肉鍋貼鍋貼底層煎得十分香脆! 要小心D咬開, 因為真係會"咇"汁, 以防燙傷喉嚨呀~不過肉味亦很濃郁松子魚魚肉新鮮, 份量十分充足, 表面放上甜酸醬等各種配料, 酸酸甜甜尤其開胃!再連埋松子一起吃, 層次感更加豐富蟹粉豆腐煲濃郁的蟹粉味, 仲有少量蟹膏, 豆腐粒粒滑溜溜的, 配飯食絕對一流!…查看更多

今天放假和朋友入咗啟德行街，附近有SOGO 和大型商場！ 到了吃晚飯時間，我們在AIRSIDE； 這裏食肆很多！見到有翡翠拉麵小籠包的店，很久沒有吃了；就立即入去食！ 店舖在啟德AIRSIDE 2樓L214號舖。 裝潢以簡約設計為主調，典雅又高貴！ 門面唔係大，裡面就超大！地方寬敞，枱椅排列整齊；坐得舒適！ 餐牌上有很多不同款式的上海的食物，全是傳統經典的！🥢前菜： 鎮江肴肉、醉猪手🐷肴肉是晶瑩通透的鹵凍肉，有濃醇的香料和酒的味道！ 口感酥香嫩滑，肉味香濃，又不會肥膩；真的是名菜！ 🐖豬手已起骨，方便食用！ 豬手皮爽口彈牙又有鮮味，濃濃的酒香味四溢，真能做到每一口都爽脆帶有酒香！🥟點心：上海小籠包、鮮肉鍋貼、菜肉雲吞湯🫓小籠包係上海菜系的靈魂食物！ 做得皮薄又爆汁，入口有濃郁的鮮味；配上酸醋薑絲來吃，味道更提昇！🥟鍋貼的皮煎得很香脆，餡料的豬肉鮮嫩爆汁！ 不油不膩，超美味！🥟菜肉雲吞做得皮薄餡靚， 每一隻都很飽滿；菜和肉比例都剛好！ 配以上湯令整體味道更佳！🥢小菜：京蔥爆牛肉、瑤柱賽螃蟹🐮京蔥爆牛肉一上枱就能聞到香氣濃郁，好有鑊氣！ 京蔥好惹味，牛肉鮮味嫰滑可口！🦀賽螃蟹是上海經典名菜，蛋白炒得很嫩滑又很有鮮味！加上瑤柱碎令味道更鮮甜有風味！🥣桂花酒釀丸子又係經典的甜品！ 有桂花的香氣和淡淡的酒釀的味道，丸子Q彈！ 桂花酒釀糖水很清甜，配小丸子同吃就超完美！…查看更多

今日同爸爸去中菜館食飯，真係好想同大家分享呢間餐廳嘅招牌菜式！上海小籠包（必食）👍熱氣騰騰，皮薄餡多，咬一口，鮮肉湯汁瞬間爆出，味道香濃，絕對係一個完美嘅開端！搭配少量的醋，簡直係絕配～鮮肉鍋貼外脆內嫩，底部金黃酥脆，餡料充滿肉香，每一口都令人回味無窮（啖啖都好多肉😎）菜肉雲吞湯湯底清淡，卻透著鮮甜。雲吞皮薄餡足，肉與菜的搭配恰到好處，簡單明瞭，巧食松子魚經典的江浙菜，以鱖魚為主料，魚身雕刻成松鼠形狀，色澤金黃，十分吸引。外層酥脆，魚肉味道鮮美 加上甜酸醬汁，味道酸增添風味。這道菜不僅好看，味道也令人難忘，絕對是品嚐江南美食的必選！招牌東坡肉😋色澤紅亮，肉質軟滑，入口即化。搭配白飯，絕對係完美嘅搭配。這道菜的每一口都帶著濃厚的歷史感，令人感受到滬菜的深厚文化。無論你係滬菜愛好者，或者係第一次嘗試，呢度都絕對值得一試！ 另外餐廳環境好闊落，適合同屋企人聚餐哦！…查看更多

真係好耐無食過上海菜，今日行呢個場，順便食吓久違咗嘅上海嘢。柯打咗～上海炒粗麵 京蔥爆牛肉 砂窩雲吞雞<6位> 上海小籠包(四隻) 瑤柱賽螃蟹首先出場～小龍包，由於太肚餓，所以一人一隻好快清晒，影唔切相～皮薄肉餡多汁，味道正常，但真係不錯。京葱爆牛肉，上海嘢不褸係好深色，但雖然深色，味道唔會偏鹹，味道真係好適中，牛肉淋，加埋其他配菜，真係無得頂。上海粗炒，真係由細細個已經一食親上海野，呢個係必食，第二就係鱔糊（但今日沽清），味道都啲似京葱牛肉，但當然無咁多味，粗炒正常味道，但佢呢隻味係令你停唔到手同口。睇返先知叫瑤柱賽螃蟹，但無瑤柱嘅？係咪我孤陋寡聞？「佢」用另一個方法出左場而我睇唔出？呢個餸係食功夫，真係小啲功力都做唔出效果，睇同埋覺得純蛋白，點解咁值錢，但當你知做法嘅時候，你會有唔同嘅想法。好普通嘅蛋白，但好入味，餸飯一流，真心不錯。最後砂窩雲吞雞～啖湯有啲似雞湯翅嘅濃湯味，但味道偏鹹咗，雲吞同雞都好味，都飲咗二碗。埋單$710回頭度：7/10除咗個湯偏鹹之外，其他嘢都有水準以上嘅質素，亦都令我重新認識上海菜，真係唔係太悶得果幾味，而且真係又幾好食。以上純粹個人食後分享，絶無收受任何利益同優惠，亦對以上言論，承擔所有責任。…查看更多

啟德AIRSIDE 翡翠拉麵小籠包 出咗平日一至四 $98一人套餐真心抵食！我今次同朋友各自嗌一人套餐，試齊兩款小菜同兩款主食，仲包埋杯養顏豆漿👍🏻.今次試咗糖醋魚塊、乾蔥拌麵同酸辣湯，糖醋魚塊都算炸得金黃脆口，D魚塊都算有厚度，但酸甜汁略嫌撈得唔太均勻有啲膩，不過送飯都Ok。至於乾蔥拌麵係我嘅至愛！麵質夠煙韌，師傅即拉果然有料到！乾蔥爆香過，油香撈勻每條麵，簡單但夠鑊氣。酸辣湯方面贏在足料，木耳絲、肉絲、豆腐粒塞滿碗，酸辣比例啱啱好，辣度溫和唔嗆喉，飲完成個身暖笠笠。 .$98 仲要喺AIRSIDE商場地段，性價比冇得輸！環境光猛坐得舒服，服務效率都OK。想平平地食餐飽，呢個套餐可以encore😇…查看更多

D野食唔算差，但係懷疑漏單。嗌咗2個麵，一個好快就嚟到，另一個隔咗差不多半個鐘，都算。遲嚟個麵一嚟到仲要上錯隔離枱，甚至仲要直接喺一地枱攞過嚟，唔係話好大問題，只係觀感唔太好，哪怕你放返落架車，兜個圈返嚟都好。可以睇得出店員可能對於仲未夠熟悉，因為喺送錯碗麵之前，店員已經送錯兩次唔係我哋嗌嘅嘢上嚟。因此認為店員需增加服務嘅培訓和背好枱號嘅能力，以及亦需要加強廚房處理order嘅能力，避免再有任何漏單嘅情況。…查看更多

這家餐廳的菜品讓人感到滿意。蝦球酥脆可口，外皮金黃，肉質鮮嫩，搭配醬汁更添風味。小籠包的湯汁豐富，皮薄餡多，一口咬下便令人陶醉。四川擔擔麵條則香辣撲鼻，湯底濃郁，花生醬配料新鮮，讓人一試成主顧。黑木耳沙拉清爽可口，酸酸既醋味是很好的開胃菜。整體而言，這裡的食物有著不錯的水準，適合與家人或朋友共享，值得再次光臨！食得太快，忘記拍個美美既照片。…查看更多

係airside 睇完戲諗住諗住好耐未幫襯今晚嚟幫襯吓，發覺食物質素同以前大不如前，碟荷蘭豆食到成口渣，個甜品酒釀丸子煑到杰撻撻成碗漿糊咁。員工個個黑面態度差，叫佢上個甜品，如是者等咗10分鐘都未有，於是問第二次，佢即刻黑你面：「要煮㗎！煮都要10分鐘啦！」 咁佢第一轉係咪就要同人講呢樣嘢呢？…查看更多

提早食團年飯，屋企人未去過air side,所以就去食飯，順便行下。餐廳無大圓枱，圓枱最大只可以坐8人，建議放1-2張會好dd，一家人食飯圓枱會開心d.翡翠我地都算經常光顧，不過今次好失望，叫咩無咩，最普通既烤夫都無，唔想食中式酒樓係因為唔想食圍餐，係咪因為想我地唔散叫，所以咩都無得食呢？其實整體都ok,係今次選擇好失望，順帶一提，air side無野行，我寧願下次去德褔附近食好過…查看更多

當日平安夜，我同阿媽當晚行airside啟德商場，看到翡翠拉麵小籠包 好多空位 我哋就 揀咗呢間店鋪食， 入到店舖就 拎咗花生畀我哋食 當初以為免費最後都要付$8 茶位$12， 我哋就叫了羊腩煲$208， 睇個樣唔算好抵食，嚟咗就見到好多肉但好少蔬菜類，看到唔係好大煲 有啲失落， 然後仲嗌咗個小籠包$52/4件， 咬落去都係普通冇咩特別，有啲失落食咗三百幾蚊😕， 仲要加一， 可能平日食會好啲同平啲， 下次都係揀返 星期一至五食抵啲吧😉…查看更多

在Airside開了這家店，真好，食住美食坐係窗邊位置，一路望住街景食嘢，感覺真好。如果有HSBC 信用卡，周一至周五及周六、日的優惠也很大。食物從來不會失望，尤其是最愛的小龍包。小龍包皮薄餡靚，真的好喜歡吃翡翠的小龍包。其他的冷菜雞絲粉皮，粉皮好適中，醬料及雞絲也足，配得很好。熱菜比我想像中好吃。沒有試甜品，叫了杯飲品，真材實料，口感及味道超好，好好飲。下次一定要試甜品。有HSBC信用卡，優惠更大。…查看更多

某天一早醒來，我好想飲茶呀！但係問題係屋企附近冇咩好飲嘅茶樓喎😭等陣去Airside睇戲🎬，咁就係Airside揾間啦！翡翠拉麵小籠包？有小籠包？OK！肯定就是你😎♦️上海小籠包（四隻）外皮厚薄適中，咬落去中間又湯汁，滿足😍♦️櫻花蝦醬珍珠帶子干貝炒飯整體嚟講，個飯都幾香，幾乾身，佢碟炒飯中間會放咗櫻花蝦醬，撈埋一齊食會令個飯更加惹味👍🏻♦️椒鹽小黃魚（兩條）佢個小黃魚炸得好酥脆，入邊嘅魚肉依然好嫩滑👍🏻♦️京蔥爆牛肉呢個餸真係好惹味👍🏻個人好喜歡！佢環境坐得都幾舒服😌佢又有好多玻璃，所以可以見到外面風景，食飯都食得爽啲！…查看更多

近年出街食飯去得多，有時都想食得健康些少， 早排同朋友去Airside食飯，就係想試下養生四人套餐， 仲要有護膚品旅行套裝贈品，真係好啱同行女士。起初以為Airside不太就腳，原來就正正係啟德地鐵站上蓋，都幾方便。餐廳特別配製幾款特飲，包括了苦瓜荔枝特飲、青檸話梅梳打及芒果愛玉特飲。甜香的芒果當然最受歡迎，想健康一點，自己反而選了苦瓜。花雕醉雞選用了脾位，雞肉較多又嫩，酒香四溢，不錯。鎮江肴肉做得很地道，肉香滿滿，蘸點一下陳醋，味道更鮮。甜酸青瓜簾只削下青瓜皮，口感清新爽脆，尤其是甜甜酸酸的非常開胃。酸辣湯酸辣程度爆燈，呷上兩口已經頭皮發麻，但我鍾意。人蔘雞湯小籠包之前在深圳都吃過相近菜色，只不過是蝦餃換上了小籠包，湯與包都沒有問題，但個人始終覺得兩者有點格格不入，我寧願把小籠包蘸醋食，單純的喝人蔘湯。黑蒜淮山煨牛尾都有一段時間沒踫上黑蒜菜色了，牛尾甜甜地幾特別，用來伴白飯最好。淮山蘆筍炒魚片很欣賞沒有大多的玻璃芡，魚肉生熟度剛剛好，淮山亦爽甜。清炒蝦仁很清新爽口，蝦仁的味道突出。京蔥爆牛肉好香口，吃落有點豪邁的感覺，牛肉嫩滑，京蔥掛上了肉汁，又是不可錯過，加埋啤酒一流。宮保雞丁炒得乾身，腰果好惹味，辣度有點遷就港人，其實可以更澎湃一點。奶油津白很喜歡在上海館子點的一道菜，尤其是煮得夠稔入味的，更是我杯茶，是日稍微未夠稔身，味道還是不錯的。雪菜蝦仁炒飯炒得幾乾身，雪菜味不會過強，蝦仁亦非淡而無味，作為單尾幾滿意。* 綠茶芋泥餅熱辣辣上檯，一口咬落，綠茶味幾出，都幾大隻，如果有迷你版會更好。…查看更多