麥記美食 (景文樓)

營業中

休息中

天氣一少少凍呢，就會好想食鍋貼同埋飲酸辣湯，咁啱喺炮台山做嘢，就同同事一齊去咗食呢間麥記美食😆門口大大個字其實都易搵嘅！！佢哋呢一個真係抵食之選！夜晚都係仲有套餐可以叫！我哋就叫咗4號酸辣小雲吞餐，同埋6號紅油抄手餐。不得了呀，個餐仲包埋佢哋最出名嘅生煎鍋貼🤤🤤🤤!另一個要推薦嘅絕對係紅油抄手！係一定要食！佢唔係太辣，而且呢佢用咗啲鹹菜(其實我唔太sure佢嗰隻係乜嘢鹹酸菜, 總之加埋一齊真係又香又好味)去炒肉碎，加埋個秘製醬汁，係可以令到個紅油抄手去咗第二個層次一樣! 大讚!!之後個酸辣小雲吞完全滿足到我又想飲酸辣湯又想食小雲吞的願望！酸辣湯飲完暖笠笠又酸又有少少辣，食完真係好滿足！另外口痕叫多咗兩個小食，試咗佢個牛柏葉同墨魚！順便滿足吓掃街嘅感覺啦😛最後佢嗰支香港製造嘅豆漿都好唔錯🥰🥰🥰成餐係好滿足🥰🥰🥰🥰